Kulturang Pilipino, Tampok sa Pagdiriwang ng Araw ng Kalayaan

Max Bringula (Abante ME Edition, 28 June 2010)

Naging makulay at makasaysayan ang pagdiriwang ng 112th Philippine Independence Day sa Eastern Province, Saudi Arabia noong nakaraang Biyernes, 11 June 2010, sanhi ng kakaibang pagtatanghal na inihanda ng Filipino community groups kung saan kanilang ipinamalas ang mayamang kultura ng Pilipinas sa pamamagitan ng kasuutan, sayaw, at awitin mula sa labing-anim na rehiyon – ang Region 1-Ilocos, Region 2-Cagayan Valley, Region 3-Central Region, Region 4-Calabarzon & Mimaropa, Region 5-Bicol, Region 6-Western Visayas, Region 7-Central Visayas, Region 8-Eastern Visayas, Region 9-Zamboanga Peninsula, Region 10-Northern Mindanao, Region 11-Davao, Region 12-SOCCSKSARGEN, Region 13-CARAGA, National Capital Region (NCR), Autonomous Region of Muslim Mindanao (ARMM), at Cordillera Region.

Sa pangunguna ng Philippine Overseas Labor Office, Eastern Region Operations (POLO-ERO), walumpung Filipino organizations sa Eastern Province ang pinagsama-sama upang isagawa ang proyektong ito. Bawat isang rehiyon ay may limang organisasyon na nakatalaga at naatasang magbigay ng kanya-kanyang Regional Presentation. Mayroon ding Regional Booth kung saan makikita ang mga produktong yari o mula sa bawat rehiyon, pati na ang mga larawan ng magagandang tanawin na makikita roon.

Nagwagi bilang Best in Presentation ang Region 11-Davao sa kanilang kahanga-hangang sayaw na “Singkil” at makabayang awitin. 1st Runner-up naman ang Region 8-Eastern Visayas at 2nd Runner-up ang Region 7-Central Visayas na sumayaw ng “Carinosa”.

Sa Regional Booth naman, nanalo ang Region 1-Ilocos sa tawag-pansin nilang booth na naglalaman ng magagandang produktong gawa sa nasabing rehiyon. 1st Runner-up ang Region 2-Cagayan Valley at 2nd Runner-up ang Region 6-Western Visayas.

Ang Region 11 na nagwagi sa Best in Regional Presentation ay binubuo ng mga sumusunod na Filipino organizations - Philippine Institution of Certified Public Accountants (PICPA), Computer Society of Filipinos (COMSOFIL), Filipino Community in Jubail (FILCOM), D’Heroes, at Jubail Tennis Association (JTTA).

Ang Region 1 naman na napili bilang Best in Regional Booth ay kinakatawan ng mga sumusunod na grupo - CIASI (Confederation of Ilocano Association, Inc.) o Samahang Ilocano, Saring Himig, Ulupan na Pangasinan ed Saudi Arabia (UPSA), United Resources Multi-Purpose Cooperative (UREMCO), at International Electronics & Communication Engineers of the Philippines (IECEP).

Naghandog din ng awitin at sayaw ang mag-aaral at guro ng tatlong malalaking Philippine schools sa Eastern Region upang kumatawan sa tatlong kilalang isla ng Pilipinas - ang Al Andalus International School (AAIS) para sa Luzon, Philippine School in Dammam (PSD) para sa Visayas at ang International Philippine School in Alkhobar (IPSA) para naman sa Mindanao.

Lubos na nasiyahan ang mga dumalong OFWs at mga bisita sa pagtatanghal at selebrasyon. Namangha maging ang ibang lahi at mga katutubo sa kakaibang kulay at ganda ng lahing Pilipino na kanilang namalas at narinig. Lalo pang napalapit sa kanilang puso ang mga Pinoy na naging kabahagi na ng bansang ito sa pag-usad tungo sa pag-unlad. Dahil sa magandang tanawing kanilang nasaksihan at sa magiliw na pakikitungo ng mga Pilipino, lalong tumatak sa kanilang isipan ang galing ng Pinoy.

Naging karagdagan din ng kasiyahan ang isinagawang Palarong Pinoy kung saan mga larong orig na Pinoy ang ginamit tulad ng Patintero, Yoyo, Pabitin, Paluan ng Palayok, at marami pa.

Isa sa pinaka-highlight ng pagdiriwang ay ang konsiyertong handog ni Ms. Kimverlie Molina, TFC Pop Star Middle East Grand Champion at WCOPA (World Championship of Performing Arts) Grand Champion Senior Vocalist of the World na pinamagatang “Tinig ng Kalayaan”. Kanyang ipinarinig ang mga tanyag na awiting-Pinoy na sumasalamin ng pagmamahal sa bayan, sa magulang, sa kapwa at sa sarili.

Wala pa ring kupas ang galing ni Kimverlie sa pag-awit na habang tumatagal ay lalo pang gumagaling. Bumibirit pa rin ng awiting matataas ang magandang dilag ni Mr. Ronnie Molina, ang proud father ng premyadong singer.

Pinalad akong makatabi sa upuan ang mahusay na mang-aawit at kabigha-bighaning si Kimverlie at aking naitanong kung ano ang kanyang mga plano sa ngayon. Siya pala’y tutungo sa Amerika para mag-aral ng Arts and Theatre. Sa iyo, Kim, hangad ko sa iyo ang ibayo pang tagumpay. You make Filipinos beam with pride. Dahil sa’yo, taas-noo kaming magsasabi ng “Ako’y Pinoy!”

Samantala, nagbigay naman ng special number ang Saudi Arabia POP ICON 2010 winners na sina Mr. Timothy John Gamol (1st Runner-up) na umawit ng “Tagumpay” at si Mr. Arne Osabel (3rd runner-up) sa kanyang awitin na “Lipad ng Pangarap”.

Binigyan-diin naman ni Labor Attache David Des T. Dicang sa kanyang pananalita ang kahalagahan ng pagkaka-isa ng mga Pilipino. Wika niya, “ang tagumpay ay higit na nakakamit kapag bawat isa’y kapit-bisig na kikilos at magkakaisa.”

Sadya ngang di malilimutan ang kakaibang pagdiriwang na iyon. Natapos ang selebrasyon na may ngiti sa labi ng bawat isa.

OFWs Exempted sa Passport Appointment

Max Bringula (Abante ME Edition, 27 June 2010)

Bilang pagkilala sa malaking kontribusyon ng OFWs (Overseas Filipino Workers) sa ekonomiya ng Pilipinas, malugod na inihayag ng Office of Consular Affairs ng Department of Foreign Affairs (OCA-DFA) na i-exempt sila sa kasalukuyang ipinapatupad na Passport Application and Renewal by Appointment ng DFA.

Sakop ng kautusang ito ang mga OFWs na nagbabakasyon at nais na sa Pilipinas mag-renew ng kanilang passport o mag-apply ng bagong e-Passport, at yung mga paalis pa lamang para mag-trabaho sa abroad. Para sa huli, kailangan nilang ipakita ang dokumento na sila’y papaalis para magtrabaho sa abroad, tulad ng employment contract o job orders, at travel ticket. Maging ang mga Pilipino na nangangailangan agad ng passport tulad ng dependents ng mga OFWs at yaong mga businessman at travelers ay hahayaang di na dumaan sa Appointment System.

Ang mga employment agencies ay binigyan din ng special slot sa OCA-DFA upang ma-expedite ang passports applications ng kanilang mga aplikante. Dagdag pa rito, magkakaroon ng Special Processing every other Saturday para sa mga urgent passport requirements at maaaring magbukas na rin sila every weekend sa darating na panahon.
Maaari ring mag-apply ng passport di lamang sa opisina nito sa ASEANA Business Park, Bradco Avenue corner Macapagal Boulevard, Paranaque City (malapit sa SM Mall of Asia), kungdi maging sa labing-siyam na Regional Consular Offices (RCOs) ng DFA tulad ng Bacolod City, Baguio City, Batangas City, Butuan City, Cagayan de Oro City, Cebu City, Clark Field (Pampanga), Cotabato City, Davao City, General Santos City, Iloilo City, Legaspi City, Lucena City, Puerto Princesa, San Fernando-La Union, San Fernando-Pampanga, Tacloban City, Tuguegarao City, at Zamboanga City, o kaya’y sa Satellite Office ng DFA sa POEA sa Mandaluyong City.

Para sa kaalaman ng lahat, ang Fees na babayaran para sa e-Passport ay ang sumusunod - Regular Processing (20 days) - PHP 950.00 / Express Processing (10 days) - PHP 1,200.00 / Lost Passpport (additional fee) - PHP 200.00.

TSD Readers’ Corner:

(Para sa mga masusugid nating mambabasa ng TSD o Tinig sa Disyerto, tayo’y maglalaan ng espasyo sa column na ito para sa inyong mga katanungan o kahilingan, at sisikapin ng inyong lingkod na matugunan ito sa abot ng ating kaalaman.)

Proseso sa Pag-renew ng Passport

“Good day, sir. Gusto ko pong malaman kung paano proseso sa pag-renew ng passport. Kasi mag-expire na yung passport ko sa August 13. Ano po kailangan? Thanks.” - Daniel Menor ng Jubail

Hi Daniel, dahil ikaw ay narito sa Eastern Province, maaari kang magtungo sa IPSA (International Philippine School in Alkhobar) kapag may schedule ng Embassy On-Wheels (EOW) na isinasagawa kada buwan upang ikaw ay makapag-renew ng iyong passport. Aalamin mo lamang kung kaylan ang kanilang schedule. Kung kakailanganin na ma-renew agad, tutungo ka sa Riyadh sa ating Philippine Embassy roon. Dahil August 13 pa naman ang expiration ng iyong passport, hintayin mo na lamang ang sunod na schedule ng EOW sa Alkhobar na maaaring sa darating na 01 at 02 ng July 2010, ayon sa huli nilang advisory. Maghanda ka ng passport size pictures mo na blue ang background para sa MRP (machine-readable passport). Kung e-Passport naman ang ibibigay nila, di na kailangan ang passport photos dahil may makina na na nakalaan para rito. Mas mainam na maghanda ka na rin ng litrato at Saudi Riyals 200 para sa passport fee. - Max

Passport Renewal sa Regional Office

“Gud pm po sir Max. Ask ko lang tungkol sa renewal sa passport. Next year uwi na ko sa Pinas. Pati ba sa regional office kailangan makipag-appointment o tulad ng dati?” – Ronnie ng Jeddah

Hi Ronnie, para sa mga OFW, hindi na kailangan na makipag-appointment pa dahil exempted na ang OFW sa ipinaiiral na Appointment System. So, tulad ng dati, maaari kang tumungo maging sa Regional Office ano mang oras para magkaroon ng e-Passport. - Max

Passport Releasing

“Dear Sir, magtatanong lang po ako sa inyo kung kelan mare-release yong passport. May 13 po ako nag-renew dyan sa Alkhobar.” – Efren Flores ng Al Hassa, Hofuf

Hi Efren, isang buwan lamang ang palugit at maaari ng i-release ang passport. Kung May 13 ka nag-renew, dapat ay mare-release na yun ng June. Sa dahilang walang schedule ng Embassy On-Wheels itong buwan ng Hunyo, siguradong ready na ang passport mo pagpunta nilang muli sa susunod na buwan (July 2010). Para makasigurado ka, maaari mong puntahan ang site ng Philippine Embassy sa http://www.philembassy-riyadh.org at doon ay nakalagay ang mga Passport na ready for releasing. - Max

GMC Thunders, PBL Champion – Not Once, But Thrice

PBL Season 5 MVP, Danilo Dula, habang tinatanggap ang kanyang tropeo.

Max Bringula (Abante ME Edition, 24 June 2010)

Sa ikatlong pagkakataon, muling tinanghal ang GMC Thunders na Kampeon ng PBL (Pag-asa Basketball League) sa katatapos na Season 5 na ginanap noong Biyernes, 18 June 2010 sa Al Gosaibi Hotel Sports Complex, Alkhobar, Saudi Arabia.

Sa score na 75-73, sinelyuhan ng Thunders ang kanilang pamamayagpag sa liga ng PBL bilang kampeon sa tatlong magkakasunod na taon - sa Season 3 noong 2008, sa Season 4 noong 2009 at ngayong 2010 sa Season 5.

“It’s a back-to-back-to-back feat for the Thunders”, ani ni Tim Mallari, Season 5 PBL Commissioner. “Mga veterans talaga ang team nyo, ang hirap gibain”, dagdag pa niya.

Isang mahigpitang laban ang nasaksihan sa pagitan ng GMC Thunders at ng JIL Theos. “The Theos have given the GMC a good fight”, ang tinuran ng Chairman ng Pag-asa na naroon ng gabing iyon para panoorin ang laban ng dalawang “bigatin” ng PBL.

Hindi lumayo ang lamang ng Thunders sa Theos na nagpakita ng kakaibang liksi at husay upang igupo ang kalaban. Sa First Half, isa lang ang naging lamang ng GMC sa kalaban sa score na 13-12, at sa Third Half ay dalawa sa score na 50-48. Tanging sa Second Half naka-ungos ng siyam na puntos ang GMC sa score na 33-24.

Nang pumasok ang Fourth Quarter lalong umigting ang sagupaan sa dalawang koponan na nakaragdag sa init ng panahon ng araw na iyon. Bagama’t may masarap na hangin namang dumarampi na siyang kataka-taka pagkat labis ang init at humid ang nararanasan sa Saudi Arabia mag-dadalawang linggo na.

Sa natitirang dalawang minuto, may dalawang puntos na lamang ang GMC sa JIL sa score na 63-61 at parehong nasa “On Penalty” situation ang magkabilang panig. Naka-ungos ang JIL sa libreng buslo na kaloob ni Sammy Mallari (Jersey No. 32) at ang score ay nabaligtad in favor of JIL sa score na 64-63. Subalit agad naman itong binawi ng GMC at sa maikling segundo lamang ay lumalamang agad ito ng dalawa hanggang apat na puntos. Hindi rin nakatulong ang dalawang tawag ng referee na technical sa GMC upang tuluyang umungos ang JIL Theos. Bagamat sa oras na 1 minute and 47 seconds ay nakalamang ang JIL Theos ng limang puntos sa pamamagitan ng 3-points score na ginawa ni Russel Pia (Jersey No. 27).

Sa huling 57 seconds ng laro, nasa dalawang puntos na lang ang lamang ng JIL at isang saglit ito’y naging pantay na sa score na 71-71 sa pamamagitan ng winning shot na pinakawalan ni Louie Dela Cruz (Jersey No. 6) ng GMC. Subalit muling nakuha ng JIL Theos ang lamang hanggang maka-ungos na ito ng dalawang puntos sa score na 73-71. Parang kidlat namang binawi ito ng GMC sa libreng buslo ni Alex Bautista (Jersey No. 22), hanggang magkaroon ng deadlock sa natitirang 2 seconds sa score na 73-73. At bago tuluyang nalagas ang segundo sa natitirang oras, isang mala-kidlat na shoot ang pinakawalan ng Player of the Day na si Louie Dela Cruz upang tuluyang tanghalin ang GMC Thunders na kampeon ng PBL Season 5.

“This is an AWESOME Victory!!! GMC Thunders has just clinched the PBL 5 Division A title against the formidable JIL Theos” ani ni Larry Estaq, ang dating Coach ng GMC Thunders sa nakaraang dalawang seasons, na ngayo’y nasa Pilipinas na, sa mensaheng ipinadala niya sa atin.

“PBL-5 is very significant in the spiritual life experience of the GMC Family especially to the Thunder Players. This PBL season teaches us a lot of lessons. After two consecutive losses in the Elimination Round, it blurred our hope to defend our title as “Back-to-Back Champion. But God works in mysterious ways, higher than our ways. He plans things beyond our thoughts. He works on impossible things beyond our knowledge and capabilities. The Lord teaches us how to pray effectively in this PBL season. He taught us to depend on Him”, ang dagdag pa niya.

“We are jumping and shouting with joy. This is so far the sweetest victory for GMC Thunders. My gratitude to the GMC Family for their never-say-die ‘Yes, yes, Lord’ chanting, cheering and praying” ang buong pagmamalaking nasabi ni Rudy Purugganan, ang kasalukuyang coach ng GMC Thunders.

“Great, great night sa laban ng Thunder vs. Theos. Sulit ang pagod kasi nagwagi ang GMC Thunders”, wika ni Danilo Dula na siyang tinanghal na MVP ng PBL Season 5.

“Grabe!!! Balita ko next season, GMC Thunders vs. PBL All-Star na raw ang labanan. Isang team na lang daw ang makakalaban. Congrats Thunder and thanks to Louie Dela Cruz. Ang galing mo, bro”, ang walang-mapaglagyang saya na pahayag ni Danny Bautista.

Ang GMC Thunder Team ay binubuo nina Senior Ptr. Larry Estaq, Gov. Ptr. Kurt Babar, Team Mngr. Rudy Purugganan, Asst. Efren Munar, Coach Pol Blanca, Coordinator Alvin Ditan, Staff Louie Alcantara, Players: Louie dela Cruz, Alex Bautista, MVP Danilo Dula, Captain Ball Marlon Kahler, Bairon Kahler, Raffy Golez, Raniel Ureta, Christopher Ybarle, Ryan Carganilla, Ross Diaz, Erwin Dimaculangan, Erwin Capiral, Jun Taniegra at Jojo Taiza.

Saring-Himig Choir Presents Blends 2

Ang Saring Himig Choir kasama ang TFC Pop Star Middle East Grand Champion, Ms. Kimverlie Molina
Ang Saring Himig Choir nang sila’y sumali sa competition sa Riva Del Garda, Italy. Ang Saring-Himig Choir habang nagpe-perform sa mga nauna nilang konsiyerto.

Max Bringula (Abante ME Edition, 23 June 2010)

Isang natatanging konsiyerto ang malapit ng masaksihan sa darating na Huwebes, 24 June 2010, na siyang pinaka-finale sa month-long celebration ng 112th Philippine Independence Day sa Eastern Province, Saudi Arabia.

Ito ay ang Blends 2 na magtatampok sa Silver Awardee ng 8th “IN CANTO SUL GARDA” International Festival and Choir Competition 2009, Riva Del Garda, Italy, ang ipinagmamalaki ng Eastern Region, ang Saring-Himig Choir.

Ang pagtatanghal ay gagawin sa IPSA (International Philippine School in Alkhobar) sa ganap na ika-anim ng gabi (6:00 PM).

Sa pakikipagtulungan ng Philippine Overseas Labor Office, Eastern Region Operations (POLO-ERO), inihahandog ng Saring-Himig Choir ang ikalawang serye ng kanilang matagumpay na konsiyerto na umani ng papuri at parangal sa nasabing grupo.

May labing-apat na mga awitin sa Repertoire ang inihanda ng Saring-Himig Choir para sa kanilang mga tagasubaybay, tulad ng Kruhay, Sana’y Wala ng Wakas, Lollipop, Die Nacht, Bituing Walang Ningning, Papa Ka Ba?, My Immortal, at marami pang iba, sa gabay at kumpas ng kanilang conductor na si Choirmaster Aurel V. Magtuto at sa direksiyon ni Elmore Francisco.

Bukod sa Saring-Himig, tampok din ang 2010 Pop Icon Season 3 winners na sina Timothy John Gamol (1st Runner-up) at Mr. Arne Osabel (3rd Runner-up) bilang mga Guest Performers. Ang Globe Asiatique at Western Union naman ang siyang pangunahing sponsors ng nasabing pagtatanghal.

Ang konsiyertong gaganapin ay paghahanda na rin ng Saring-Himig para sa nalalapit nilang pagsabak muli sa choir competition sa abroad kung saan kanilang ire-represent ang mga OFWs sa Saudi Arabia.

Kaya’t ating inaanyayahan ang lahat na suportahan natin ang konsiyertong ito para sa ikakatagumpay ng Saring-Himig sa sasalihang competition. Ang ticket ay nagkakahalaga ng Saudi Riyals Thirty (SR 30). For ticket inquiries, maaari kayong tumawag kay Mr. Rollie Salcedo sa numerong 054-0319395.

Minsan ng naghatid ng karangalan ang Saring-Himig Choir sa bansang Pilipinas at sa Saudi Arabia kung saan mayroong apat na milyong OFWs na nagtratrabaho’t naninirahan, nang kanilang makamit ang Silver Award sa 8th “IN CANTO SUL GARDA” International Festival and Choir Competition 2009, na ginanap sa Riva Del Garda, Italy.

Ang “In …. Canto Sul Garda” na ang ibig sabihin sa ingles ay “Singing Together at the Enchanting Garda Lake” ay ginaganap taun-taon sa matanawing bayan ng Riva del Garda. Ito’y nilalahukan ng iba’t ibang choir group sa iba’t ibang kategorya tulad ng jazz, gospel music, pop at folk songs.

Sa mahigit na apat-na-pung kalahok mula sa dalawampung bansa sa iba’t ibang kategorya, namukod-tangi ang galing ng all-male choir mula sa Saudi Arabia sa folkloric category. Hinangaan sila sa kanilang rendition ng tanyag na Ilokano Song na “Ti Ayat Ti Maysa Nga Ubing”, gayundin ng mga awiting “Pong Pong Ginap”, “Chua-ay” at “Pokpok Alimpako”, na mga winning piece ng nasabing choir group.

Nakapagtanghal na rin ang Saring Himig Choir ng iba’t ibang konsiyerto tulad ng “Blends 2005” at “Maligayang Acapella Po” noong 2005, “Say It with a Song” noong 2007, “Homsik” noong 2008 na nagkaroon pa ng Part 2 ng taong ding iyon, at ang “Go the Distance”, Prelude to the 8th In Canto Sul Garda International Festival and Choir Competition ng taong kasalukuyan.

Ang Saring Himig Choir ay isang non-profit at lehitimong organization na naitatag noong 2004 sa Eastern Province na may layuning maging daan na mabigyan ng pagkakataon ang bawat OFWs na may husay at hilig sa musika na maipamalas ang angking talino. Ang grupo ay naglalayon din na maging bahagi sa pagtataguyod ng pagkakaisa ng bawat Pilipino sa labas ng bansa sa pamamagitan ng kanilang uri ng musika. Tinuturing ng Embahada ng Pilipinas ang Saring Himig Choir bilang isa sa community partner nito.

Kaya tayo na, ating suportahan ang naiibang pagtatanghal ng Saring-Himig Choir as they blend their voices for our heart’s delight in Blends 2.

Tagumpay ng Bayan, Tagumpay ng OFWs

Si Alexander Edades Asuncion, Bagong Bayani Awardee and OFW Achiever Hall Famer. Si Kimverlie Molina habang pinasasalamatan ni Labor Attache David Des T. Dicang, kasama si Jaypee Vega, Overall Coordinator ng 112th Philippine Independence Day celebration sa EP.

Max Bringula (Abante ME Edition, 22 June 2010)

Ito ang naging sentro ng pagdiriwang ng 112th Philippine Independence Day sa Eastern Province, Saudi Arabia na ginanap sa IPSA (International Philippine School in Alkhobar) nitong nakaraang Biyernes.

Sa programang inihanda ng araw na iyon, makikita ang pagbibigay-pugay sa galing at kontribusyon ng manggagawang Pilipino. Sa kauna-unahang pagkakataon, hindi mga opisyales ng Embahada o ng pamahalaan ang naging pangunahing tagapagsalita para sa okasyon kungdi isang kapwa natin OFW ang inanyayahan na maghatid ng Inspirational Message, ito’y walang iba kungdi ang tinaguriang “Ka Bayani” na si Alexander Edades Asuncion, 1994 Bagong Bayani Awardee at Hall Famer bilang OFW Achiever of the Last Decade.

Si kasamang Alex ang kauna-unahang OFW na hinirang ng Embahada ng Pilipinas na gampanan ang tungkuling Assistant Labor Attache, noong panahon na wala pang representative ng Philippine Overseas Labor Office sa Eastern Region para magbigay ng labor assistance sa mga manggagawang Pilipino.

Sa kanyang talumpati, inisa-isa ni ka Alex ang mga mahahalagang kontribusyon ng OFW sa bansang Saudi Arabia upang ito’y maging isang moderno at maunlad na bansa. Kanyang binanggit ang mga OFWs na nagbigay-karangalan hindi lamang sa Pilipinas kungdi maging sa bansang ito na kanilang pinagtratrabauhan, tulad nina Nasser Maulana na nakatuklas ng isang teknolohiya sa primary plastic na ngayon ay isa ng mahalagang sangkap sa infrastructure industry; sina Armando Ontoy at Alfredo Jacob na siyang nagpatakbo ng kauna-unahang tatlong water treatment plants at limang sewage treatment plants sa Royal Commission ng Jubail; ang Pilipinong Chemist na si Engr. Cristino Navarro, Jr., na nagtatag ng unang laboratory sa Saudi para sa water and waste treatment na siyang pinagmulan ng teknolohiya upang ang tubig mula sa karagatan ay maaari ng inumin sa pamamagitan ng water desalination; ang grupo ng Prime Note Ensemble (PNE) at Saring-Himig na pawang nagkamit ng karangalan sa mga choir competition na kanilang sinalihan sa ibang bansa; at ang TFC Pop Star Middle East Grand Champion na si Kimverlie Molina na tinanghal din na Grand Champion Senior Vocalist of the World ng WCOPA (World Championship of Performing Arts) noong 2009.

Wika ni ka Alex, “Kayong mga naririto, ano man ang trabaho ninyo, salesman ka man, waiter, domestic helper, nurse, engineer, o family driver, kahit sinisigawan tayo o pinagagalitan – tagumpay tayong lahat! Dahil nakakatulong tayo sa ekonomiya ng Pilipinas, napapagpa-aral at natutulungan natin ang ating mga mahal sa buhay, kahit tayo’y nalulungkot, homesick, nagkakasakit, sinusumpong ng mataas na presyon, mataas na blood sugar, nilalagnat, at iba pa.”

Tatlong buwan na lamang ay pabalik na si ka Alex sa Pilipinas matapos ang tatlumput-dalawang taong pagtra-trabaho sa Saudi. “Inabot ko na po ang retirement age na itinakda ng batas ng Kaharian ng Saudi. The Saudi Labor Law says I am 60, but my heart says, I’m only 16, sa isip, sa salita at sa gawa”. Sa tinurang iyon ni ka Alex, isang nakabibinging palakpakan ang isinukli ng mga nakakinig at dumalo sa natatanging okasyong iyon ng pagdiriwang ng Araw ng Kalayaan.

Tulad ng isinasaad ng tema ng selebrasyon ng taong ito, ang “Kalayaan 2010: Tagumpay ng Bayan”, ang kalayaang nakamit natin ay di lamang tagumpay ng bawat Pilipino, kungdi tagumpay din ng bawat OFWs sa buong mundo, na siyang mga tunay na bayani.

TSD Readers’ Corner:
(Para sa mga masusugid nating mambabasa ng TSD o Tinig sa Disyerto, tayo’y maglalaan ng espasyo sa column na ito para sa inyong mga katanungan o kahilingan, at sisikapin ng inyong lingkod na matugunan ito sa abot ng ating kaalaman.)

Karagdagang Suweldo

“Ako po si Elvie P. Yumang. Dito po ako sa Riyadh noong pang July 9, 2001. Ngayon po, isang libo lang ang sweldo ko. Puwede po bang padagdagan ang sahod ko, ilagay kahit sa minimum. Lahat po gamit namin kami ang nabili. Pagkain lang kami libre.”

Hi Elvie, nararapat lamang na maragdagan ang sweldo mo considering na matagal-tagal ka na rin palang nagtratrabaho. Kausapin mo ang iyong amo tungkol dito at banggitin ang maraming taon na iyong pagtratrabaho sa kanila. Siguro nama’y mauunawaan ka niya lalo na’t kung ito’y para sa iyong pamilya. - Max

Pagbayad sa Iqama at di Pagpapa-uwi

“Ako po’y OFW na naririto sa Dammam. Tapos na po ang kontratra namin at pauwi na kami. Kaso lang, kinaltas sa amin ang aming iqama sa halagang SR 850. Makatarungan ba yun? Natapos namin ang kontrata. Ang masakit pa po, tinengga pa kami ng halos isang buwan.”

Kabayan, ang gastos sa Iqama ay employer ang nagbabayad at hindi ang trabahador. Maaari kayong lumapit sa ating embassy representatives dito sa Eastern Province upang matulungan kayo sa bagay na ito at mapa-uwi sa madaling panahon pagkat tapos na inyong kontrata. Maaari silang tawagan sa numero na 8941846 o 8942890. - Max

Sagupaang GMC Thunders at JIL Theos, Pinaka-hihintay sa PBL Season 5 Championship Game

Max Bringula (Abante ME Edition, 17 June 2010)

Pinakaka-abangan na ang sagupaang magaganap sa pagitan ng GMC Thunders, ang defending Champion ng PBL (Pag-asa Basketball League), at ng JIL Theos sa Championship Game ng PBL Season 5, Division A sa darating na Biyernes, 18 June 2010 sa Al Gosaibi Hotel Sports Complex, Alkhobar, Saudi Arabia.

Sa ikatlong pagkakataon, puntirya ng GMC Thunders na muling masungkit ang kampeonado upang kumpletuhin ang kanilang 3-straight win sa tatlong magkakasunod na season ng PBL.

Bagama’t nang una’y nalagay pa sa alanganin ang GMC nang maranasang magkaroon ng dalawang talo sa Elimination Round at tumabla sa koponan ng UR Divine Desert University at JCLORIM Warriors na naging dahilan upang magkaroon ng triple tie. Sa pamamagitan ng quotient system na ini-adopt ng PBL, nakapasok ang GMC Thunders at JCLORIM Warriors na siyang nagharap para sa knock-out game.

Sa score na 94-73 tuluyan ng naigupo ng GMC Thunders ang mahigpit nitong kalaban para makapasok sa Championship round. Hindi nakapiglas ang JCLORIM Warriors sa mabilis na pag-atake ng GMC Thunders sa natapos nitong laban noong Biyernes, 04 June 2010. Bagamat di pinalad ang mga Warriors, nakatindig pa rin ito at maluwag na tinanggap ang panalo ng kalaban.

Dahil dito, makakaharap ng GMC Thunders ang “team-in-waiting” na JIL Theos na di nakaranas ng talo sa round-robin Elimination na ginawa sa dalawang Division kung kaya’t automatic itong nakapasok sa Championship round sa Division A.

Tinitiyak na magiging kapana-panabik ang paghaharap na ito ng dalawang koponan na pawang naging kampeon na rin sa mga nakalipas na liga ng PBL (Pag-asa Basketball League). Ang JIL Theos ang kampeon sa Season 1, at ang GMC Thunders naman sa Season 3 and 4. Sisikapin ng JIL Theos na nagbabalik matapos magpahinga sa dalawang season na ulitin ang tagumpay na nakamit nang unang magsimula ang PBL. Ang “sleeping giant” ay muling babangon. Ito ang sigaw ng kampo ng Theos na sinagot naman ng grupo ng Thunders na “hindi pa tapos ang laban”.

Sumasabay sa init ng panahon ang pag-alab ng mga emosyon. Bawat isa’y naghahangad na hirangin na kampeon sa PBL Championship Game. Gayunpaman, ang pagiging magkakapatiran ay higit na nananaig kung kaya’t tiyak na ang labang ito’y isang kaaya-ayang panoorin.

Samantala, sa Division B ay maghaharap naman ang CCWIM at ang JCILSA para sa kampeonado. Tulad sa Division A, nagkaroon din ng triple tie sa division na ito sa pagitan ng JCILSA, JTLG at Living Water. Sa pamamagitan ng quotient system, ang JCILSA at Living Water ang siyang nagtunggali sa knock-out game na napagwagian ng JCILSA sa score na 101-87. Sinisigurado ng JCILSA na iuuwi nito ang tropeo ng kampeonado ng Division B sa laban nito sa CCWIM. Di naman nagpahuli ang CCWIM na kinakitaan ng liksi at galing sa naganap na Elimination Round kung kaya’t tinumba nito ang lahat ng kalaban sa Division nito at automatic na makapasok sa Championship Round.

Ang laban para sa Third at Fourth Placer ng torneo ay gaganapin naman sa darating na Huwebes, 17 June 2010, kung saan ang mga susunod na koponan ang maglalaban: Group A – JCLORIM Warriors vs. UR Divine Desert University
Group B – Living Water vs. JTLG.

Ang Awarding Ceremony ay nakatakdang ganapin din sa Biyernes, 18 June 2010, sa Al Gosaibi Hotel Sports Complex para sa magiging Mythical Five ng Division A at B, Best Coach, Most Improved Player, at Best in Sportsmanship. Pararangalan din ang koponang pinaka organize at disiplinado bilang Most Organized Team. Bukod sa mga ito, may mga tropeong nakalaan para sa 4th Placer and 3rd Placer, 2nd Place at 1st Placer o Champion.

Magkakaroon din ng isang Exhibition Game sa pagitan ng Jubail Selection (o ang Mangangaral) at Alkhobar Selection (o Pahayag) na ang mga manlalaro ay mga dating kasabayan ng Crispa – Toyota noong 70’s, kung kaya’t tiyak na di lang masaya at masigla ang labang ito, kungdi magiging isang kamangha-manghang laban. Inaanyayahan natin ang mga basketball aficionados na saksihan ang kapana-panabik na laban sa PBL Season 5 Championship Games.

Blood Letting Program, Inilunsad ng SOFHCARE

Max Bringula (Abante ME Edition, 16 June 2010)

Sa pakikipagtulungan ng pamunuan ng King Fahd Hospital of the University (KFHU), Alkhobar, at sa patnubay ng POLO-Eastern Region Operations ng Philippine Embassy, Riyadh, pormal na ilulunsad ng SOFHCARE (Society of Filipino Healthcare Workers) ang Blood Letting Program sa Eastern Province, Saudi Arabia sa darating na Huwebes, 17 June 2010. Ito’y gaganapin sa mismong hospital ground ng KFUH na magsisimula ng alas-nuwebe ng umaga at magtatapos ng alas-dose ng tanghali o 12:00 noon.

Sa mga interesadong nating kababayan na nais mag-donate ng kanilang dugo, maaari kayong tumawag sa mga sumusunod: Mr. Dennis Dasal – 0545793075, Ms. Wilda Diaz – 0507873295, Mr. Jaypee Vega – 0545203763 at Ms. Mary Jane Tupas -050786413.

May Blood Donation Cards na kailangang i-fill-up ng magdo-donate bilang pre-qualification requirements at dapat i-submit bago mag-Huwebes. Ito’y makukuha sa Mohammad Dossary Hospital (MDH). Kontakin lamang si Mary Jane Tupas para rito. Gayunpaman, sa mga di makakagawa nito subalit nagnanais na maghandog ng kanyang dugo, maaari pa rin kayong magtungo sa KFHU sa araw na iyon ng Huwebes para sa “on-the-spot” pre-qualification.

Sa mga Filipino organizations naman na magvo-volunteer ng kanilang mga miyembro para sa programang ito, hinihilingan na sila’y mag-sumite ng listahan na nakasaad ang pangalan ng kanilang organisasyon, ng coordinator at kanyang contact number, at pangalan ng mga blood donor volunteers. Dapat isaad din ang oras na kanilang pagtungo sa KFHU.

Nais iparating ng Pangulo ng SOFHCARE na si Mr. Dennis Dasal ang taus-pusong pasasalamat sa pamunuan ng King Fahd Hospital of the University na sina Dr. Bassam Al-Awary, Vice Dean and Director General at kay Dra. Iman Al-Sheikh, Director of the Clinical Laboratories ng KFHU, sa kanilang suporta sa proyektong ito. Gayundin kay Labor Attache Hon. David Des T. Dicang ng POLO-ERO sa kanyang walang-sawang pagtulong sa mga OFWs sa pamamagitan ng ganitong mga proyekto.

Kaya, mga kababayan ko, tayo ng mag-alay ng ating dugo. Kung may isang marangal na bagay na magagawa tayo sa ating kapwa, ito ay ang pag-alay ng dugo sa nangangailangan. Tandaan na sa bawat patak ng dugo, isang buhay ang ibinibigay nito.

TSD Readers’ Corner:

(Para sa mga masusugid nating mambabasa ng TSD o Tinig sa Disyerto, tayo’y maglalaan ng espasyo sa column na ito para sa inyong mga katanungan o kahilingan, at sisikapin ng inyong lingkod na matugunan ito sa abot ng ating kaalaman.)

Puwede bang kasuhan ang asawa ko

Ako po si Aida ng Pampanga. Ang problema ko ay ang asawa ko na nagpakasal sa Aramco ng Alkhobar. Kay Josephine, isang nurse. Nagpagawa sila ng marriage contract para malaya sila. Marami siyang babaeng naanakan. Pwede ko bang kasuhan si Josephine at asawa ko. Gusto ko na mapauwi sila para matanggal sa trabaho.

Hi Aida, kung kayo ay legal na ikinasal ng iyong asawa, may karapatan ka na kasuhan ang asawa mo ng bigamy o yung pagpapakasal muli sa iba bagamat may asawa na. Batay sa iyong pagkakabanggit, ganito ang ginawa ng iyong asawa. Kumunsulta ka sa isang abogado upang higit na maliwanagan ang tamang hakbang na dapat mong gawin. – Max

Nais nang makauwi
“Kabayan, nais ko sana na humingi ng payo sa inyo. Isa po akong takas dito sa Riyadh. Wala naman po akong kaso sa employer ko kungdi ang trabahong in-aplayan ko ay iba ang binigay sa akin. Maintenance Plumber ang in-aplayan ko sa isang hospital. Sa hindi ko malamang dahilan, na-terminate kami ng mga kasama kong nadatnan ko na rito samantalang pasado naman kami sa exam. Tapos, lahat pa ng departamento rito sa hospital ay ayaw kaming tanggapin, hanggang mapunta ako sa ground maintenance. Taga-hakot po ako ng basura. Tapos 800+200 ang sahod ko, pero ginawa nilang 600+200. Kaya ko nagawang tumakas. Ngayon ay nagtratrabaho ako bilang waiter. Magwa-one year na ako sa August. Gusto ko na po sanang umuwi. First time ko lang po mag-abroad kaya natatakot at nalilito ako kung ano ang gagawin ko. Please lang po payuhan ninyo ako sa gagawin ko. Maraming salamat.” – Carlos

Hi Carlos, makaka-uwi ka lamang kung mag-surrender ka sa ating Embahada. Sila ang magsasa-ayos ng travel documents mo para ka maka-uwi. Maaaring ilagay ka sa deportation muna bago ka pauwiin. Usual na procedure ito. Kung walang habol sa iyo ang employer mo at walang kaso na isinampa sa’yo, makaka-uwi ka agad. Maaari kang tumawag sa ating Embahada riyan sa Riyadh sa sumusunod na numero – 4821802 / 4823559 / 4880835 / 4820507. Maaari mo ring tawagan ang numerong ito, 055-1633760. Kababayan natin yan na tumutulong sa mga kapwa natin OFW. Kamo, ni-refer kita. - Max

Mga Tsikiting ng OFWs, Magtatagisan ng Talino sa Little Prince and Princess 2010

Max Bringula (Abante ME Edition, 15 June 2010)

Handang-handa na ang mga bulilit na napili para sa Little Prince and Princess 2010 na ipamalas ang kanilang angking galing at talino sa Coronation Night na gagawin sa Biyernes, 18 June 2010, sa IPSA (International Philippine School in Alkhobar).

Ang nasabing patimpalak ay taunang isinasagawa ng OFW Congress – Eastern Province, Saudi Arabia, para sa mga tsikiting na lalaki’t babae na di lamang guwapito’t magaganda, kungdi bibo’t biba pa. Mga batang maipagmamalaki ng kanilang mga magulang na OFWs.

May sampung pares ng mga bata na magtatagisan sa pag-awit, pag-sayaw, pagganap at iba pang larangan, suot ang kani-kanilang costumes sa iba’t ibang Filipino festivals, tulad nina:

Chrystalle Jume Urgel at Daniel Masindo – Kadayawan sa Davao (Flowers and Fruits / Charla U. Deflin at Oliver Jaison Juria – Zamboanga Hermosa / Jazmin Hazel S. Olano at Manss Danielson A. Molina – Mascara Festival / Ma. Junisse Josephine G. Morata at Jay Karl Manlogon – Sambalilo Festival / Janaya C. Castaneda at Jourdan C. Castaneda – Panagbenga Festival / Ronavie Mallari at Manie Chomchuen – Pahiyas Festival / Eliana C. Ramos at Sean Eugene Pengson – Sinulog Festival / Gabrielle Sue Melecio at Kyle Martinez – Pintados / Fey Angela Cabanglan at Ahmad Labrilla / at Mariel Mallari at Brix Raneses.

Malalaking premyo ang naghihintay sa tatanghalin na Little Prince and Princess 2010 at sa mga runner-ups nito. Panauhing pandangal sa naturang okasyon si Labor Attache David Des T. Dicang ng POLO-Eastern Region Operations na siya ring magbibigay ng Inspirational Message.

Ang Little Prince and Princess 2010 ay isa sa mga programang inihanda ng POLO-ERO sa buong buwan ng Hunyo, sa pakikipagtulungan ng iba’t ibang Filipino community groups sa Eastern Province, bilang pagdiriwang ng ika-isandaan at labing-dalawang taon ng Kasarinlan ng Pilipinas.

Nito lamang nakaraang Biyernes, 11 June 2010, napanood ang mayamang kultura ng labing-anim na rehiyon ng Pilipinas sa pamamagitan ng kakaibang pagtatanghal na ipinakita ng Filipino community groups sa Eastern Province, at ang pinakahihintay na Konsiyerto ng Kalayaan kung saan tampok ang TFC Pop Star Middle East Grand Champion at 2009 WCOPA (World Championship of Performing Arts) Grand Champion Senior Vocalist na si Kimverlie Molina. Noong June 4 naman ay ginanap ang Independence Day celebration sa Jubail na tinampukan ng sayaw at awitin at ang pagpili sa Mr. and Ms. Little OFW.

Ipinahahatid ng pamunuan ng OFW Congress – Eastern Province, Saudi Arabia, ang paanyaya sa bawat OFWs na saksihan ang pagpili ng magiging Little Prince and Princess sa taong 2010 sa Biyernes na darating.

TSD Readers’ Corner:

(Para sa mga masusugid nating mambabasa ng TSD o Tinig sa Disyerto, tayo’y maglalaan ng espasyo sa column na ito para sa inyong mga katanungan o kahilingan, at sisikapin ng inyong lingkod na matugunan ito sa abot ng ating kaalaman.)

Mga Pahabol na Reaksiyon sa Masarap, Masakit ang Maging OFWs

“Dear kuya Max, while reading your column, na-touch ako on about the life of an OFW. Oo tama nga ang nagsulat nito na masarap, mahirap ang maging OFW. Tulad ko na isang ina na nag-sacrifice na umalis para sa pamilya, kahit masakit tinitiis ko para lang maka-ipon kami, at makabayad ng utang. Sayo na nagsulat, saludo ako because you have the courage to share the experience of OFW. More power! God bless.” – Mabel of Bahrain

“I’d read your column about OFWs. Little things we give away surely come back to us some other day coz God never forget to give rewards to those who share their unselfish heart. God bless! More power!” – Magdalena T. Matias – Juffair, Kingdom of Bahrain.

“Sir Max, about po sa MASARAP, MASAKIT ANG MAGING OFW’s, dito po sa Qatar may dagdag ang OWWA na pahirap. Kasi po pag umuwi kami at dito magkuha ng OEC, kailangan naming magbayad ng Pag-ibig Membership. Bakit sa Pinas, sa POEA, wala naman. Dito lang.” – Fe of Doha, Qatar

International Nurses Day, Ipinagdiwang ng MDH

Ang buong nursing staff ng MDH na dumalo sa nasabing okasyon kasama ang pamunuan nito.
Ang pamunuan ng Mohammad Dossary Hospital kasama si Mary Jane Tupas, Nursing Director.

Max Bringula (Abante ME Edition, 11 June 2010)

Kaalinsabay ng pagdaraos ng International Nurses Day sa buong mundo na ipinagdiriwang tuwing sasapit ang 12 of May, ang araw ng kapanganakan ni Florence Nigthingale, na siyang patron ng mga Nurses, nagkaroon ng selebrasyon ang mga nursing staff ng Mohammad Dossary Hospital (MDH) noong 23 May 2010.

Dumalo sa okasyon ang mga mahahalagang personalidad ng hospital tulad nina Mary Jane Tupas, Nursing Director ng MDH, Mahmoud El-Hindy, Medical Director, Dr. Zuhair AlKayyali, Consultant and Chief OB-GNYE, Dr. M.F. Siddiqui, Chief of Surgery and QM Director, at Mr. Abdul Fettah Ennayal, Director General ng MDH, na siyang naatasang magbigay ng Inspirational Remarks sa mga nurses.

Naging masigla ang pagdiriwang kung saan nagkaroon ng Slogan and Poster Making Contest alinsunod sa tema ng pagdiriwang na “Nurses Delivering Quality and Serving Community at MDH”.

Ang patimpalak ay nilahukan ng lahat ng nursing staff ng MDH. Pansamantalang isinantabi muna ng mga ito ang kanilang BP apparatus, stethoscope, thermometer, syringes, atbp. upang bigyang-daan ang kanilang natatagong talento sa pag-guhit, pag-disenyo at pag-katha.

Natamo ni Lou Anne Lumio, ERR Staff ang First Prize sa Poster-Making. 2nd placer naman si Amy Bautista, OR staff, at 3rd place si Retchill Gardose, Pedia staff. Sa Slogan-Making, napanalunan ni Elsy P.K., ICCU Nursing Coordinator, ang First Prize, at pumangalawa naman si Sreekumari Pillai, Nursing Supervisor, at sa third place si Stephanie Cana, OPD staff.

Tulad ng isinasaad ng tema, binigyang-diin sa okasyon ang natatanging tungkulin ng mga nurses na maghatid ng serbisyong may kalidad hindi lamang sa mga pasyente nito kungdi maging sa mga community activities kung saan kinakailangan ang kanilang serbisyo.

Tulad ng mga taong lumipas, ang nursing staff ng MDH ay patuloy na nagbibigay ng serbisyo sa local at expatriate community tulad ng medical mission, at medical and ambulance services sa iba’t ibang community activities na ginanap ng mga Filipino organizations tulad ng OFW Congress, AFCSCOM (All Filipino Community and Sports Commission), FilCom Jubail, SAHI (Saudi Arabia Hiligaynon), at Pag-asa Community Support Group.

Bilang Nursing Director ng ospital, inilahad ni Mary Jane Tupas ang kanyang mga plano at ang mga magagandang pagbabago sa loob ng isang taon sa kanyang departamento. Pinuri niya ang kanyang mga kasama sa pagiging pinaka-maayos at disiplinadong departmento sa MDH. Ipinag-bigay alam din niya ang magandang balita na magkakaroon ng karagdagang benepisyo at suweldo ang mga nurses bilang pasasalamat at pagkilala sa kanilang mahusay na serbisyo at katapatan na tinugon naman ng mga naroroon sa isang nakakabinging palakpak. Namahagi rin ng mga MDH pins sa lahat ng nurses.

Hindi naman inaasahan ni Mr. Fettah na siya’y tatanggap ng regalo mula sa mga nurses na pinamumunuan ni Ms. Tupas na labis niyang ikinatuwa.

Natapos ang programa na may ngiti sa bawat isang dumalo at sama-samang nilang pinagsaluhan ang masasarap na pagkaing inihanda. Hindi rin nawala ang picture-taking pagkatapos.

TSD Readers’ Corner:

(Para sa mga masusugid nating mambabasa ng TSD o Tinig sa Disyerto, tayo’y maglalaan ng espasyo sa column na ito para sa inyong mga katanungan o kahilingan, at sisikapin ng inyong lingkod na matugunan ito sa abot ng ating kaalaman.)

Nag-aalala sa anak sa Dubai

Magtatanong po ako sa inyo kung sino ang pwede kong malapitan at mahingan ng tulong tungkol po sa aking anak na dalaga na nasa Dubai. Kasi po ng umalis siya sa Pinas, ang trabaho niya ay sa Parlor. Beautician siya at nag-aral pa nga ho sa TESDA ng Cosmetology. Noong una, ok pa daw ho ang kanyang trabaho, sabi ng anak ko. Pero ngyon pinaglilinis na raw siya ng bahay. Wala pa raw food allowance. Malimit na raw siyang magkasakit at pumunta ng hospital. kahit may sakit daw siya pinagwo-work pa siya. Nagpapaalam na siyang uuwi, ayaw naman siyang payagan. Sabi bayaran daw niya yung ginastos sa kanya worth 85,000 pesos. Pag tinatawagan ko ang anak ko, iyak siya ng iyak. Naaawa na po ako sa kanya. Binabalak ko na nga lang puntahan yung employer ng anak ko kasi ho sabi ng anak ko, pokpok daw ung amo nya na Moroccan, may kabit daw hong pulis at yung kapatid na dalaga medyo addict daw ho. Kaya natatakot na ang anak ko sir. Lagi raw maraming lalaki dun sa bahay nila. Ano po ba ang dapat kong gawin? Lubos na gumagalang at nagpapasalamat. – Mr. Moises M. Valencia, Dammam, KSA.

Kabayan, mainam na kontakin mo ang Embahada natin sa Dubai para matulungan ang anak mo sa kanyang kalagayan. Sila ang higit na makakatulong sa kanya. Narito ang kanilang numero, 00971-502826583. – Max

Problema ng magiging husband

Isa po ako sa avid reader ng Abante dito sa Bahrain. Itago nyo po sana ang name ko. May problema po future husband ko sa Riyadh. Tapos na po contract niya sa June pero di sya pinapayagan mag-file ng bakasyon o mag-exit. Hindi lang siya ang may ganoong problema sa kanila. Kahit nga may patay na sa pamilya, di pa rin makauwi. Eto po company niya – AHMAD N. ALBINALI COMPANY. Help nyo po siya makauwi kahit bakasyon lang po hinihingi niya. Sabi po by January pa siya pauwiin. Problem po, nakaplano na kaming magpakasai. Sana po makarating ito sa management ng Al Binali Co. Need po namin makauwi this coming June. – from a lady in Bahrain

Kabayan, ibinigay ko na sa magiging husband mo yung numero nang Embahada ng Riyadh na maaari niyang tawagan upang hingin ang kanilang tulong sa kanyang kalagayan. - Max

Walumpung Filipino Organizations sa EP, Sama-samang Magdiriwang

Ang mga Filipino Community Heads habang nakikipag-meeting kay Labor Attache David Des Dicang ng POLO-ERO para sa gagawing Regional Presentation.
Max Bringula (Abante ME Edition, 10 June 2010)

Muling mamamalas ang pagkakaisa ng mga Pilipino sa Eastern Province, Saudi Arabia sa darating na Biyernes, 11 June 2010, sa pagdiriwang na gagawin para sa ika-sandaan at labing-dalawang taon ng Kalayaan ng Pilipinas.

Walumpung Filipino organizations sa iba’t ibang larangan ng civic, sports, regional at professionals groups sa Eastern Province ang kasama na kakatawan sa labing-anim na rehiyon sa Pilipinas tulad ng:

Region 1 (Ilocos) - CIASI (Confederation of Ilocano Association, Inc.) o Samahang Ilocano, Saring Himig, Ulupan na Pangasinan ed Saudi Arabia (UPSA), United Resources Multi-Purpose Cooperative (UREMCO), at International Electronics & Communication Engineers of the Philippines (IECEP).

Region 2 (Cagayan Valley) – Foundation of Filipino Workers Worldwide (FFWW), Eastern Lawn Tennis Association (ELTA), Saudi Aramco Chess Group (SACG), MEDEA Tanghalang Pilipino, at Filipino Association of HR and Administrative Professionals (FAHAP).

Region 3 (Central Region) – Cabalen Aguman Capampangan, Samahang Novo Ecijanos, Bulakenyo Community, Filipino Bankers Tennis Association, at Guardians Reformist Republican International (GRGI).

Region 4 (Calabarzon & Mimaropa) – Rizal International Society in Arabian Land, Romblomanos Association in Saudi Arabia, Order of the Knights of Rizal (OKOR), Fiipino Overseas Workers Association (FOWA), at Batangueno ng Saudi Arabia (BANSA).

Region 5 (Bicol) – United Bicolanos, FILPOP Music Club, FilBowlers, BUMPIHA, at Awit at Sayaw.

Region 6 (Western Visayas) – All Filipino Community and Sports Commission (AFCSCOM), Ro-Akeanon, Saudi Arabia Hiligaynon (SAHI), Pinoy Overseas at Royal Commission Hospital (PORCH), at World Organizer of Martial Arts, Inc. (WOMA).

Region 7 (Central Visayas) – Cebuano Integrated Society of Tribal Allies (CISTA), Boholanos, OFW Congress, Overseas Negrenses, Cebu Institute Alumni Association (CITAA), at Hawak-Kamay.

Region 8 (Eastern Visayas) – Sangkay KSA, Leytenos, Harmonicans, Philippine Society of Safety Practitioners, at Entablado Pilipino.

Region 9 (Zamboanga Peninsula) – ALFIDASCA, PhilTech-SA, Society of Filipino Health Care Workers (SOFHCARE), SMPII, at Table Tennis Enthusiast Club (TTEC).

Region 10 (Northern Mindanao) – Society of Filipino Fashion Designers (SFFD), Desert Fox Shooters, Organization of Brilliant and Respectable Artists (OBRA), Alpha Phi Omega Fraternity Alumni Association (APO), at UFMCI.

Region 11 (Davao) – Philippine Institution of Certified Public Accountants (PICPA), Computer Society of Filipinos (COMSOFIL), Filipino Community in Jubail (FILCOM), D’Heroes, at Jubail Tennis Association (JTTA).

Region 12 (SOCCSKSARGEN) – Pag-asa Community Support Group (PCSG), Beta Sigma Fraternity, United Filipino Basketball Federation (UFBF), Institute of Integrated Electrical Engineers (IIEE), at Philippine Institute of Mechanical Engineers (PSME).

Region 13 (CARAGA) – United Surigaonon Association (USA), Filipino Volleyball Association in Saudi Arabia (FIVOASA), Filipino United Netters Badminton Club (FUN), Social Development & Aid Organization, at CYBERCOOP.

Region 14 (National Capital Region) – Philippine Professional Organization (PPO), Society of Performing Arts (SPA), Master Builders Association of the Philippines, Philippine Institute of Civil Engineers (PICE), at Filipino Scrabble Group.

Autonomous Region of Muslim Mindanao (ARMM) – Western Mindanao Overseas Workers, Mindanao Association Eastern Saudi Arabia, Ranao Overseas Tennis Association (ROTA), United Muslim Association (UMA), at Triskellion Alumni Association.

Cordillera Administrative Region (CAR) – St. Louise University Alumni Association (SLU), Filipino Expatriates Multi-Purpose Cooperative, Ras Tanura Overseas Filipino Workers Association (ROFWA), Guardians Republican International, Inc. (GRII), at Philippine Guardians Brotherhood, Inc. (PGBI).

Bawat rehiyon na nabanggit ay magtatanghal ng awit o sayaw kung saan nakilala o kilala ang rehiyong kinabibilangan. Magkakaroon din ng Regional Booth na maglalaman naman ng iba’t ibang produkto, damit at iba pang bagay na mayroon sa nasabing rehiyon.

Ang proyektong ito’y brainchild ni Labor Attache David Des T. Dicang ng POLO-ERO at ng Overall Program Coordinator, Mr. Jaypee Vega ng FILPOP/ OFW Congress /Saring Himig na ang layunin ay magkakilanlan ang iba’t ibang Filipino community groups at lumalim pa ang pagsasamahan.

Samantala, may inihandang premyo sa mapipiling Top 3 Best in Presentation at Top 3 Best Regional Booth.

Bahagi rin ng pagdiriwang ang pagsasagawa ng Palarong Pinoy kung saan magkakatunggali ang labing-anim na rehiyon sa mga larong sariling-atin tulad ng Patintero, Yoyo, Pabitin, Paluan ng Palayok, at marami pa.

Isang natatanging konsiyerto naman ang magigjng finale ng selebrasyon, ang Konsiyerto ng Kalayaan, tampok ang TFC Popstar Middle East Grand Champion at 2009 WCOPA (World Championship of Performing Arts) Grand Champion Senior Vocalist of the World na si Ms. Kimverlie Molina.

Ang buong pagdiriwang ay sisimulan sa isang floral offering sa Pambansang Bayani, Gatpuno Jose Rizal, na pangungunahan ng Order of Knights of Rizal, at pagkatapos ay ang Cultural Parade ng 16 Regions kasama ang Embassy officials at kadete ng IPSA at Ati-Atihan mula sa Ro-Akeanon sa ganap na ika-pito ng umaga.

Ang Bagong Bayani awardee na si Mr. Alex Asuncion ang magbibigay ng espesyal na mensahe para sa pagdiriwang.

Ang tema ng selebrasyon sa taong ito ay “KALAYAAN 2010: TAGUMPAY NG BAYAN”.

Quintuplet, Ipinanganak sa Alkhobar, KSA

Makikita sa larawan si Mr. Mervat Ibrahim Al-Dahman kasama ang quintuplet at si Dr. Zuhair Al-Kayyali.

Max Bringula (Abante ME Edition, 08 June 2010)

Galak na galak at nagtatatalon sa tuwa si Mervat Ibrahim Al-Dahman, isang Saudi, 30 years old, nang ang kanyang asawa ay nagsilang ng limang malulusog na sanggol o quintuplet (tatlong babae at dalawang lalaki) kamakailan sa Caesarian section ng Mohammad Dossary Hospital (MDH). Ito ang kauna-unahang may ganitong pangyayari sa nasabing ospital.

Labis-labis ang pasasalamat ni Mr. Al-Dahman sa kanilang OB/GYNE Consultant na si Dr. Zuhair Al-Kayyali kung saan siya ay nagpakonsulta at nagpagamot. Matagal na na di sila nagkaka-anak ng kanyang asawa, kung kaya’t naisipan ni Mr. Al-Dahman na magpakonsulta, at sa isang kamangha-manghang pangyayari, sila’y biniyayaan ng limang anak agad pagkatapos ng limang taong paghihintay.

Sa ngayon, nasa bahay na ang limang bagong panganak na sanggol at nasa pangangalaga ng kanilang mga magulang na lubos-lubos ang kagalakan sa biyayang natanggap.

Tuwang-tuwa rin ang management ng hospital sa pangyayari. Ipinapaabot ni Mr. Abdul Fettah Ennayel, Director General ng MDH at Mary Jane Tupas, Nursing Director ng hospital, ang kanilang pasasalamat sa buong staff ng MDH sa tagumpay na ito.

TSD Readers’ Corner:

(Para sa mga masusugid nating mambabasa ng TSD o Tinig sa Disyerto, tayo’y maglalaan ng espasyo sa column na ito para sa inyong mga katanungan o kahilingan, at sisikapin ng inyong lingkod na matugunan ito sa abot ng ating kaalaman.)

Hindi makauwi kahit tapos na ang kontrata

“Sir magandang hapon po. Dumating po ako dito noong November 29. Sa ngayon, Sir bale 3 years, 6 months na ako. Puwede ba akong magreklamo sa pag-delayed ng amo ko? Dapat sana every 2 years ay uuwi ako. Saka yong bagong batas ng Saudi tungkol sa 20% dagdag sahod kasi hindi binigay ng amo ko. Sana, Sir ay tulungan mo ako.” – from a reader in KSA

Kabayan, karapatan ng isang manggagawa ang umuwi o magbakasyon pagkatapos na mapagtrabauhan ang bilang ng taon na nakasaad sa kontrata. Sa iyong kaso, lumagpas na ng dalawang taon ay hindi ka pa rin naka-uwi. Kung gayon, may karapatan ka na magreklamo kung iibigin mo. Maaari mo itong i-file sa Saudi Labor Office. Kung kakailanganin, tumawag ka sa representative ng ating embahada upang humingi ng tulong sa kanila kung papaano mag-file at upang may mag-assist sa’yo sa translation. Maaaroi kang tumawag sa numerong 4823559 o 4821802 kung ikaw ay nasa Riyadh o sa numerong 8941846 o 8942890 kung ika’y nasa Eastern Province. Tungkol naman sa 20% na dagdag sa sahod, ito’y nasa discretion pa rin ng kumpanya kung ibibigay nila bagama’t ipanapatupad ng kanilang pamahalaan. May mga kadahilanan din minsan ang kumpanya kung bakit di nila matugunan ang nasabing dagdag na sahod. - Max

Makakabalik pa kaya ng Saudi?

“Gud AM Sir. Magtatanong lang po kung pwede pa bang makabalik ng Middle East or any part ng Saudi? Hindi ko naipasa ang probationary period ko. 3 months lang ako sa Alkhobar. 33 y/o na ako at hirap po akong mag-apply now. Nag-renew po ako ng passport ko kahit ka re-renew ko lang dahil marami nagsabi na mag-change daw ako ng passport at yan ang ginawa ko. Please Sir, tulungan nyo po ako kasi gusto ko makaalis uli. Thank u po.” – Melchor Ocon

Hi Melchor, kung nag-exit ka sa iyong dating kumpanya, walang problema na di ka makakabalik sa Saudi. Kahit hindi ka na magpalit ng iyong passport at yung dating passport pa rin ang gamit mo dahil may tatak doon na ikaw ay nag-exit. Ang di lamang nakakabalik o makakapasok uli sa Saudi ay yung may mga exit/re-entry visa subalit sa ilang mga kadahilanan ay di bumalik sa dating kumpanya, bagkus nagbago ng passport upang lumipat sa ibang kumpanya. Tiyak na makikita sa record nila sa immigration ang tungkol dito, at dahil dito pababalikin ang nasabing manggagawa. - Max

Mga OFWs sa Jubail, Magdaraos ng 112th Philippine Independence Day

Max Bringula (Abante ME Edition, 04 June 2010)

Isa sa maunlad na bayan ng Saudi Arabia ay ang Jubail na matatagpuan sa Eastern Province. Ito ay binubuo ng lumang bayan ng Al Jubail na dati ay isang fishing village, at ang bagong Industrial Area na sinimulang itayo noong 1975. Ngayon ang taguring sa buong bayan ay Madīnat al Jubayl o Ṣinā`īyah o Jubail Industrial City.

Mula noong 1975 hanggang sa kasalukuyan, patuloy ang pag-unlad ng bayang ito at ngayon siya’y itinuturing na isa sa pinakamalaking industrial complex in the world at pinakamalaking industrial centre ng Saudi Arabia. (Source: Wikepedia)

Mayroong mahigit na 100,000 OFWs na nagtratrabaho sa Jubail sa iba’t ibang planta ng petrochemical, fertilizer, at steel. Gayundin sa industrial port at commercial port nito at water desalination, at sa mga kilalang kumpanya tulad ng SABIC, Al Hadeed, Al Suwaidi at maging sa Royal Saudi Naval Base.

At dahil malaki ang populasyon ng mga Pilipino, aktibo ang mga Pinoy dito sa gawaing komunidad tulad ng sports, consular services (passport renewals, authentication, notarization, etc.), independence day celebration, musical and cultural shows, medical mission, civic and social events, at marami pa para sa kapakanan ng mga OFWs doon.

Sa gabay ng mga kilalang community leader tulad nina Jaime King, Roi Alojado, Ador Tanedo, Robert Olarte, Romeo Elmer Reyes, Ervine Lanquino, Ruel Madeja, Adel Merino, atbp., ang mga kaganapang ito ay matagumpay na naisasagawa.

Buo naman ang suporta ng mga OFWs sa Jubail sa mga community activities na ginaganap doon tulad ng idaraos na 112th Independence Day Celebration at 15th Migrant Workers’ Day sa June 04 (Friday) sa Marafiq Beach Camp, Jubail.

Sa nasabing selebrasyon ay magkakaroon ng parade of colors, at parada ng Embassy officials, FilCom officers and guests. Tampok din sa selebrasyon ang pagpili sa magiging Little Miss Philippines kung saan ang mga kalahok ay dependents ng OFWs, mga batang babae mula 4 to 9 years old.

Ipinahahatid ni Mr. Lonquino, Chairman ng Dissemination Drive Committee, ang paanyaya sa lahat ng mga OFWs di lamang sa Jubail kungdi sa buong Eastern Province na makiisa at dumalo sa selebrasyong ito sa Jubail.

Ang nasabing activity ay naisakatuparan sa pangunguna ng FilCom-Jubail at sa pakikipagtulungan ng POLO-Eastern Region Operations ng Philippine Embassy, Riyadh sa pamumuno ni Labor Attache David Des T. Dicang.

Ang Filcom Jubail ay binubuo ng mga sumusunod na opisyales: Robert F. Olarte (President), Romeo Elmer Reyes (Executive VP), Eleuterio T. Lulo (Internal VP), Tomas S. Mercado (External VP), Jesus P. Mendoza (Secretary), Edilberto C. Trinidad (Asst. Secretary) , Ma. Estrella G. Tiangco (Treasurer), Conrado S. Torralba (Asst. Treasurer), Silvano A. Quigao (Auditor), Miguel G. Villanueva (Asst. Auditor), Romeo B. Padilla (PRO), Ervine E. Lanquino (Business Manager), John Doriel P. Lulo at Arvin G. Tanedo bilang mga Sergeant-at-Arms, at mga Committee Chairmen na sina Elmon Rix P. Lulo (Membership and Recruitment), Ricardo V. Zuilan (Sports and Recreation), Ma. Dulce R. Valencia (Cultural and Social), Antonio G. Fajardo (Nomination and Election), Ben T. Tamayo (Ethics, Issues and Grievance), George G. Salomon (House Rules, CBL), Federico G. Canio (Awards and Recognition), Marcelino S. Gamboa (Ways and Means), Emmanuel T. Santos (Project and Livelihood), Jilbert S. Mejia (Reintegration, Education and Training), Adel J. Merino (Social Welfare Services), at Romeo Elmer S. Reyes (Overall Committee Chairman).

Semi-Final at Championship Games ng PBL Season 5, Pinananabikan

Makikita ang laban sa Class A between JIL Theos at Day by Day.


Max Bringula (Abante ME Edition, 02 June 2010)

Matapos ang isang ma-aksiyon at makapigil-hiningang laro na nasaksihan sa Elimination Round sa pagitan ng mga sumusunod na koponan: Class A - JIL Theos, GMC Thunders, UR Divine Desert University, JCLORIM Warriors, JUSL Knights at Day by Day at Class B - CLSF Markers, CCWIM, Salt & Light - Heralds, JCILSA, JTLG, Living Water at JCPP, isang kapana-panabik na Semi-Final naman ang sisimulan sa darating na Biyernes, 04 June 2010, ng Pag-asa Basketball League (PBL) Season 5 sa Al Gosaibi Hotel Sports Complex, Alkhobar, Saudi Arabia.

Sa Elimination Round, nanguna ang JIL Theos sa Class A na may limang panalo at walang talo, at ang CCWIM sa Class B na may anim na panalo at wala ring talo. Dahil rito, ang dalawang koponang nabanggit ay nasa “teams-in-waiting” na lamang at maghihintay ng kanilang makakalaban para sa Championship Round.

Naging maigting ang labanan sa Elimination Round kung kaya’t nagkaroon ng triple tie sa dalawang category. Sa Class A, nag-triple tie ang GMC Thunders, JCLORIM Warriors at UR Divine Desert University, at sa Class B ang JCILSA, JTLG at Living Water naman ang nag-triple tie.

Upang malaman kung sino sa mga koponang ito ang makakaharap ng “team in-waiting” para sa Championship Game, ini-adopt ng PBL ang quotient system kung saan kukunin ang kabuuang puntos ng bawat koponang kasama sa nag-triple tie. Ang mangunguna at papangalawa sa dami ng puntos sa parehong category ang siya namang maglalaban sa isang knock-out games, at ang magwawagi ang siyang makikipagtunggali sa “team in-waiting” na JIL Theos sa Class A at CCWIM sa Class B.

Sa bilangang ginawa, nanguna sa puntos ang GMC Thunders at pumangalawa ang JCLORIM Warriors sa Class A, at sa Class B, ang JCILSA at Living Water naman.

Ang knock-out games ay gaganapin sa June 4, at ang Championship Games naman at Closing Ceremony ay sa June 18, 2010.

Ipinapaabot ng organizing committee ng PBL ang pasasalamat sa lahat ng mga koponang lumahok at sa bawat sentrong kabilang sa Pag-asa sa kanillang suporta sa liga. Taglay ang temang “Sama-samang Nagkakaisa sa Pagpapalakasan”, sinikap ng PBL at ng pamunuan ng Pag-asa na makapagbigay ng kakaibang liga sa kanilang mga miyembro at tagasubaybay ng taunang PBL.

Ang organizing committee ng PBL sa taong ito ay binubuo nina: Tim Mallari (Commissioner), Robert Punzalan (Asst. Commissioner), Ervin Bayona (Head-Technical Committee), Dennis Oliver (Asst. Head – Technical Committee), Arthur Valeros (Head-Table Committee), Alex Ventura (Asst. Head-Table Committee), Junald Pellazar (Asst. Head-Table Committee), Tony Gloria (Marketing & Promotion), Robert Punzalan (Finance), George Conejos (Secretary) Mike Abrera (Logistic) at Luis Macaraeg at Lito Migabon sa Support.

TSD Readers’ Corner:

(Para sa mga masusugid nating mambabasa ng TSD o Tinig sa Disyerto, tayo’y maglalaan ng espasyo sa column na ito para sa inyong mga katanungan o kahilingan, at sisikapin ng inyong lingkod na matugunan ito sa abot ng ating kaalaman.)

“Good PM, Sir Max. I’m an avid reader of your articles. Sir, may itatanong ako syo tungkol sa membership ng OWWA. Sir, matatawag bang active ang membership ko sa OWWA dahil every 4 or 5 years akong nagbabakasyon. Dyan lang ako nakakabayad. Salamat po. God bless you. – Reader from Saudi Arabia

Kabayan, ang OWWA membership ay naka-base sa number of years ng iyong kontrata na ini-report mo nang una kang nag-file ng OEC (Overseas Employment Certificate) sa POEA. Kung two years ang ini-report mo (which is siyang normal na number of years ng isang kontrata), ang OWWA membership mo ay mag-e-expire din after two years. At dapat siyang i-renew kapag umuwi ka’t nagbakasyon. Sa dahilang after 4 or 5 years ka naka-uwi, ibig sabihin niyon ay expire na ang iyong OWWA Membership. Gayunpaman, ang OWWA Membership ay maaaring i-renew kahit di ka nagbabakasyon. Makipag-ugnayan ka lang sa OWWA Representative ng ating Embahada o Konsulada. - Max

Ibayong Paghahanda sa 112th Philippine Independence Day

Kuha sa nakaraang pagdiriwang ng Araw ng Kasarinlan. Sa mga ganitong okasyon laging bahagi na ang parada suot ang damit-Pilipino.

Max Bringula (Abante ME Edition, 01 June 2010)

Muling gugunitain sa darating na 12 June 2010 ang Araw ng Kalayaan kung saan ito’y nasa isandaan at labing-dalawang taong pagdiriwang na mula nang ideklara ni Gen. Emilio Aguinaldo sa Kawit, Cavite noong June 12, 1898 ang kalayaan ng Pilipinas sa pananakop ng Espanya.

Tulad ng nakagawian, ibayong paghahanda na ang ginagawa ng ating pamahalaan hindi lang sa Pilipinas kungdi maging sa bawat Embahada at Konsulada sa iba’t ibang bahagi ng mundo.

Dito sa Saudi Arabia, isang natatanging selebrasyon ang inaasahang magaganap sa pakikipagtulungan ng Filipino community groups. Inaasahan din ang partisipasyon at pagdalo ng bawat OFWs bilang pakikipag-isa sa pagdiriwang.

Sa Riyadh at Eastern Province, Saudi Arabia, magkakaroon ng month-long celebration simula sa unang Biyernes ng Hunyo (04 June) hanggang sa huling Biyernes (25 June).

Narito ang buong schedule ng Philippine Embassy, Riyadh at ng POLO-Eastern Region Operations:

04 June (Friday) – Photo Exhibit (Riyadh) / Health Awareness Program and PhilHealth Launching (Riyadh) / Search for Little Miss Philippines (Jubail, EP)

11 June (Friday) – Sports and Food Festival (Riyadh) / Cultural Parade & Show, Palarong Pilipino and Food Festival (Alkhobar-EP, 7:00 AM – 5:00 PM)
12 June (Saturday) – Flag-Raising Ceremony (Riyadh)

17 June (Thursday) – Health Awareness Program & Blood Donation Project (Alkhobar-EP, 9:00 AM – 12:00 NN)

18 June (Friday) – Film Showing (Riyadh) / Oratorical Contest & Search for Little Mr. and Ms. OFW (Alkhobar-EP, 9:00 AM – 6:00 PM)

24 June (Thursday) – Oratorical Contest (Riyadh) / Choir Presentation (Alkhobar-EP, 2:00 PM – 9:00 PM)

25 June (Friday) – FilCom Night (Riyadh)

Samantala, sa paanyaya ni Ambassador Antonio P. Villamor ng Philippine Embassy, Riyadh, ang TFC Popstar Middle East Grand Champion at 2009 WCOPA (World Championship of Performing Arts) Grand Champion Senior Vocalist of the World, Ms. Kimverlie Molina ay muling magpapamalas ng kanyang angking galing sa pag-awit sa isang musical extravaganza na gaganapin sa dalawang magkahiwalay na lugar, ang Riyadh at Eastern Province, Saudi Arabia. Ito’y magsisilbing handog na rin ni Ms. Molina sa kanyang mga tagahanga sa Saudi Arabia, bago niya tuluyang lisanin ang nasabing lugar para isulong ang kanyang pag-aaral.

Kaya, halina kabayan. Tayo ng makibahagi sa pag-alaala at pagdiriwang ng ating Araw ng Kasarinlan. Ating ihayag at ipagmalaki sa buong mundo ang galing ng Pilipino. Taas-noo nating isigaw, “Ako’y Pinoy!”

Ang tema ng selebrasyon sa taong ito ay “KALAYAAN 2010: TAGUMPAY NG BAYAN”.

TSD Readers’ Corner:

(Para sa mga masusugid nating mambabasa ng TSD o Tinig sa Disyerto, tayo’y maglalaan ng espasyo sa column na ito para sa inyong mga katanungan o kahilingan, at sisikapin ng inyong lingkod na matugunan ito sa abot ng ating kaalaman.)

Mga Pagbati sa Isang Taon ng TSD

‘Happy One Year Anniversary sa column mong TSD. Keep up your good work, Especially sa mga ipinararating mong balita tungkol sa ating mga OFWs.” – George Palencia, Bagong Bayani Awardee, Saudi Arabia

“Lubos ang aming pagbati mula sa kabuuan ng S & L sa iyong mga panulat na nag bibigay paalala sa tuwina.” – Robert Yumang, Saudi Arabia.

“Kuya Max, patuloy kang pagpalain ng Diyos sa ibinigay sa iyong talento sa larangan ng panulat sa TINIG SA DISYERTO. Marami kang tagahanga at isa ako doon. Purihin si Yahweh sa buhay po ninyo.” – Cesar Carsula ng Bangon Pilipinas, Bagong Pilipino Movement, Middle East

“Happy Anniversary. May you have many, many fruitful years ahead of you. Marami ka bossing natutulungan thru your articles. God Bless.” – Romino Buccat, Saudi Arabia

“Congratulations and Happy 1 Year Anniversary. Keep up the good work as you continue to enlighten our kababayans including me. More power and God bless!” – Cris Garcia, Saudi Arabia

“Hi gud evening. Congrats, 1 year na pala ang TSD. Sana marami pa kaming mababasa na maganda dito sa column mo. Di ko maipon ang kopya kasi pinapasa ko rin sa iba ang Abante.” – Fe Reyes ng Saudi Arabia

“Thanks din kuya Max. Nang dahil sa’yo ang stress at homesick na naramdaman namin ay nawawala tuwing mababasa namin ang iyong column. More power po kuya. Hapi 1st Year Anniversary. God bless po.” – From a reader in Bahrain.