Volleybelles ng MDH, Muling Nagpakitang-gilas

Max Bringula (Abante ME Edition, 15 December 2010)

Sa isang kapana-panabik na larong nasaksihan sa pagitan ng IPSA (International Philippine School in Alkhobar) Selection Volleyball Team at ng koponan ng Mohammad Dossary Hospital (MDH), muling nagpakitang-gilas ang tinaguriang Volleybelles ng MDH, ang defending champion ng Volleyball Tournament ng taong 2009.

Sa Best of Five match na isinagawa sa pagitan ng dalawang koponan, tuloy-tuloy na inungusan ng MDH Volleybelles ang IPSA Selection upang tanghaling panalo sa labang nabanggit.

Ang MDH Volleybelles ay kinabibilangan ng mga empleyado ng Mohammad Dossary Hospital na sina:

Dennis Hipolito (Coach), Junielyn Marte (Captain Ball), Analyn Imperial, Roselyn Iguiron, Myca Galinato, Elaine San Jose, Rachelanne Ho, Paola Calinog, Gina Maristela, Antonette at Marina.

Ang larong ito’y bahagi ng kasalukuyang nagaganap na 5th IPSA Sports Fest 2010 kung saan di lamang Volleyball ang kabilang kungdi kasama rin ang sports na Basketball, Badminton, Table Tennis, Lawn Tennis, Chess at Bowling. Ang IPSA Sports Fest ay itinaguyod para sa mga magulang ng mag-aaral sa IPSA sa hangaring mabigyan sila ng partisipasyon sa larangan ng sports o palakasan.

Layunin din sa Sports Fest na ito ang pagpili ng magagaling na volleyball players sa womens division na siyang kakatawan sa eskuwelahan sa 22nd Foundation Day sa isang Exhibition Match sa pagitan ng IPSA Selection at MDH Volleybelles.

Ang palarong ito ay in-organisa ng masisipag at sports-minded na community leaders na kinabibilangan nina:

Mr. Rudel D. Mariano (Commissioner), Mr. Mike Cruz (Deputy Commissioner), Mr. Rod Malabanan (Secretary), Mr. Bong Buella (Treasurer), Mr. Mohammad Ho (P.R.O.), Mr. Primar Asuncion (Business Administrator), at Mr. Rommee Quizon (Auditor).

TSD Readers’ Corner:

(Para sa mga masusugid nating mambabasa ng TSD o Tinig sa Disyerto, tayo’y maglalaan ng espasyo sa column na ito para sa inyong mga katanungan o kahilingan, at sisikapin ng inyong lingkod na matugunan ito sa abot ng ating kaalaman.)

Good AM kabayan. Sarap tingnan na mayroon tayong mga “Professionals”, di ba? Kaso mayayabang 90% dyan. Nagiging dahilan para mapasama ang images ng mabababa. 16 years na ako dito. – from a reader in KSA.

Good PM po, Mr. Max. Na-save ko lang po itong number nyo from newspaper na nabasa ko before. Magtatanong lang po sana ako kung puwede. Balak ko po kasi magbakasyon this coming year. Mag-e-expire na ang passport ko, kahit po ba renewal doon sa POEA o DFA, need pa rin ng appointment? Kasi po di ko pa sure kaylan talaga flight ko. Baka naman po puwede advise. Thank you very much. – from Necy of Saudi Arabia

Dear Necy, exempted ang OFW sa Appointment System na ipinapatupad ng Department of Foreign Affairs (DFA) sa atin. Kung kaya’t maaari kang mag-renew sa DFA ano mang oras at di na kailangang magpa-appointment. Dalhin mo lamang ang mga mahahalagang dokumento na kakailangan tulad ng iyong kasalukuyang pasaporte. – Max

Good evening po, Sir Max. Hope ok lang kayo. Si Maya po eto dito sa Bahrain. Ask ko po tungkol sa pinsan ko. Kasi yung passport niya expired na po three months ago. Hindi pinare-renew ng amo niya. Now gusto na niya ipa-renew. Ask ko lang po kung magiging madali lang po ba ang pag-renew niya kasi expired na, at parehas lang po ba ng bayad sa passport na mag-e-expire pa lang? – from Maya of Bahrain

Hi Maya, parehas lang ang proseso kahit matagal nang expired ang passport at ipapa-renew pa lang. Ang bayad ay ganoon din tulad ng ibang nagpapa-renew sa Pilipinas man o sa labas ng bansa. Subalit huwag ng patagalin ang pagpapa-renew. Mas mainam na ang passport natin ay laging valid para kung ano mang oras na kakailanganin nating umalis ay makaka-alis agad dahil valid ang pasaporte.- Max

UAP-KSA, Eastern Province Chapter Held General Membership and Assembly

Makikita sa larawan (mula sa kaliwa) sina Engr. Bong Laid, PPO-SA President, Labor Attaché David Des T. Dicang, Ms. Mary Jane Tupas, Bagong Bayani awardee and President of OFW Congress at Mr. Edwin Relox ng Zamil na siyang main sponsor ng okasyon. Board of Directors ng UAP-KSA-EPC para sa taong 2010-2011. Ang mga nag-graduates at soon-to-be Architects.

Max Bringula (Abante ME Edition, 29 November 2010)

Nagdaos kamakailan lang ng General Membership and Assembly para sa taong 2010-2011 ang grupo ng mga architects sa Eastern Province, Saudi Arabia, ang United Architects of the Philippines, KSA-Eastern Province Chapter (UAP-KSA-EPC). Ang okasyon ay may theme na “Strategic Diversification and Unity Among Overseas Filipino Architects”.

Ito’y ginanap sa Dhahran Palace Hotel, Dhahran, Saudi Arabia noong Biyernes, 05 November 2010 na dinaluhan ng miyembro ng UAP-KSA-EPC, mga aspiring architects, at ng kani-kanilang pamilya, kaibigan at mga imbitadong bisita.

Si Labor Attaché David Des T. Dicang ng POLO-Eastern Region Operations ang naging Panauhing Tagapagsalita kung saan kanyang tinalakay ang ilang mga mahahalagang alituntunin ng bagong Saudi Labor Law na nagbibigay proteksiyon sa mga skilled at professional workers tulad ng mga architects. Ito’y labis na ikinatuwa ng mga dumalo sa dahilang maraming mga OFWs ngayon ay pawang mga professionals at ang ilan ay mga bagong graduates pa. Mas pinili nilang mangibang-bayan kaysa makipagsapalaran sa atin. Kung kaya’t ang pagbibigay katiyakan ng kanilang kaligtasan habang nasa ibang bayan ay makapagpapawi ng kanilang pangamba at agam-agam.

Nagsimula ang seremonya sa isang Invocation na pinangunahan ni Arch. Deyts Ayson at agad sinundan ng pag-awit ng Philippine National Anthem at UAP Hymn sa pangunguna ni Arch. Joselito A. Diasanta, Chapter Director.

Pagkatapos nito, nagbigay ng Opening Remarks si Arch. Liyo C. Cefre, UAP-KSA Chapter President. Ayon kay Mr. Cefre, ang tagumpay ng isang organisasyon ay nakasalalay sa bawat indibiduwal. Bagama’t magkakaiba ang orientation at ang karakter ng bawat isa, ito’y di hadlang upang makamit ang tagumpay kung ang pagkakaisa at pagtutulungan ang ipapairal.

Samantala, pinangunahan naman ni Arch. Arsenio Q. Laborte, VP-Operations ang pagpapakilala kay Labor Attaché David Des bilang Panauhing Tagapagsalita. Matapos nito, isang Plaque of Appreciation ang ipinagkaloob ng UAP-KSA-EPC sa butihing Labor Attaché.

Tampok din sa nasabing okasyon ang pagpaparangal sa Top Ten Reviewees ng Foreign Licensure Examination for Architects (FLEA) na pinangunahan ni Arch. Dionne Monteloyola, VP-Program and Development kasama ng iba pang Board of Directors ng UAP-KSA-EPC. Isang inspirational message naman ang ibinahagi ni Engr. Bong Laid, ang kasalukuyang Pangulo ng Philippine Professionals Organization sa Saudi Arabia o PPO-SA, sa mga reviewees.

Nagkaroon din ng Product Presentation ang bawat Sponsors at ang pagkakaloob ng Plaque of Appreciation bilang pasasalamat ng UAP-KSA-EPC sa mga sponsors nito. Gayundin, ang pagbibigay ng Certificate of Participation sa mga lumahok na grupo at indibiduwal sa nakaraang 2010 PPO Sportsfest sa pangunguna ni Arch. Liyo C. Cefre bilang Chairman ng PPO-SA Sportsfest.

Upang magbigay sigla sa okasyon, isang natatanging awitin ang inihandog ni Melissa Cefre bilang Intermission Number.

Ang UAP-KSA-EPC ay binubuo ng mga sumusunod na Board of Directors:

Liyo C. Cefre (President), Dionne S. Monteloyola (Vice-President for Program and Development), Arsenio Q. Laborte (Vice-President for Operation), Geraldin G. Suede (Secretary), Ronald Z. Cruz (Treasurer), Perfecto S. Catis, Jr. (Auditor), Directors (Celfred G. Recato, Hermoso Y. Delos Reyes, Rosario F. Fernando, Joselito A. Diasanta, Joel Catiis and Francis F. Fernandez), and Ex-Officio, Errol J. Pineda (President, 2009-2010).

Sina Arch. Geraldin G. Suede (Chapter Secretary) at Arch. Angelito M. Pangilinan ang siyang naging Master of Ceremonies.

EOW Naging Sentro ng Usapan sa Pagbisita sa EP ni CDA Ezzedin Tago

Makikita sa larawan si CDA Ezeddin Tago habang nakikinig sa mga Filipino community leaders. Si CDA Hon. Tago habang nagsasalita kasama si Labor Attache David Des T. Dicang Si CDA Ezzedin H. Tago kasama ang ilang sa mga community leaders.
Max Bringula (Abante ME Edition, 10 November 2010)

Isang espesyal na pagsalubong ang ibinigay at ipinakita ng Filipino Community sa Eastern Province, Saudi Arabia kay Charge d’ Affaires, Honorable Ezzedin H. Tago nang bumisita ito kamakailan sa Alkhobar sa paanyaya ni Labor Attaché David Des T. Dicang ng POLO-Eastern Region Operations, Saudi Arabia.

Si Honorable Tago ang pansamantalang humalili kay Ambassador Antonio P. Villamor na ang tour of duty ay nagtapos noong 30 September 2010. Ang panunungkulan ni Hon. Tago bilang Charge d’ Affaires (CDA) ay nagsimula naman noong October 1 at mananatili siya sa katungkulang ito hanggang may mai-appoint si President Noynoy na bagong Ambassador ng Pilipinas sa Saudi Arabia.

Hindi na bago kay Honorable Tago ang Eastern Province dahil dati-rati na itong nagpupunta sa nasabing lugar. Matagal na rin naman ang pananatili niya sa Saudi Arabia. Taong 1999 nang una siyang mabigyan ng diplomatic assignment at December 2007 nang siya’y mai-assign sa Philippine Consulate sa Jeddah bilang Consul General magpahanggang-ngayon.
Ang pakay ng pagbisita ni Hon. Tago sa Eastern Province ay ang makadaupang-palad ang mga Filipino community leaders roon at alamin kung papaano higit na makapagbibigay-serbisyo ang Embahada at upang hingin ang kanilang suporta sa mga programa nito.

Nagkaroon ng Open Forum kung saan naging sentro ng talakayan ang buwanang Embassy On-Wheels (EOW) na isinasagawa ng Philippine Embassy sa Alkhobar. Hinihiling ng mga Filipino community roon na gawing regular ito at kung maaari ay maragdagan pa ang schedule ng consular services upang higit na mapag-serbisyuhan ang halos apat na raang libong (400,000) OFWs sa Eastern Province.

Ito naman ang tiniyak ni Hon. Tago sa mga Filipino community leaders na naroroon na maisasagawa ng regular ang EOW. Kanyang idinagdag na taliwas sa pagkaka-akala ng marami, hindi budget ang dahilan ng pagkaka-antala at pagpapaliban ng EOW ng mga nakaraang buwan kungdi ang pagpapalit ng issuance ng bagong Passport mula sa MRP (machine readable passport) sa bagong e-Passport (electronic Passport) kung saan kailangang hintayin pa ang pagdating ng mga makinang gagamitin mula sa Pilipinas.

Patunay ng hangarin ng Embahada na maabot ang maraming OFWs sa Eastern Province sa kanilang passport requirements, nagkaroon ng espesyal na EOW nitong nakaraang Huwebes at Biyernes (04 and 05 November) kung saan bumalik sa Alkhobar ang representatives ng Philippine Embassy upang tapusin ang encoding ng 488 applications na di natapos sa nakaraang EOW. Ang susunod na EOW naman para sa buwan ng Nobyembre 2010 ay agad na ipapaalam sa pamamagitan ng Official Advisory na ipapadala ng Embahada sa community leaders. Maaari ring tunghayan ang advisory sa official website ng Philippine Embassy, Riyadh, ang http://www.philembassy-riyadh.org/.

Samantala, magkakaroon din ng consular outreach sa kauna-unahang pagkakataon sa Buraydah sa darating na Huwebes (11 November 2010) sa pangunguna ni Vice Consul Paulo Saret kung saan kasama sa serbisyong ihahatid ay ang pagtanggap ng application para sa e-passport. Ito’y gaganapin sa Al Salam Hotel, Koteb Street, Buraydah mula alas-otso ng umaga hanggang alas-singko ng hapon (8:00 AM – 5:00 PM).

Mahigit anim-napung (60) community leaders ang dumating sa nasabing okasyon mula sa iba’t ibang community groups tulad ng AFCSCOM – Orlando Flores (Overall Chairman), Max Bringula (Deputy Chairman-Community Affairs), Maria Lourdes Silverio (Deputy Chairman-Sports), Jaypee Vega (Deputy Chairman-Cultural Affairs) Gamaliel Gonzales, Reggie Montana, Ransam Pirote, Carlito Alpay / OFW Congress – Mary Jane Tupas (President), Junielyn F. Marte, Lito Tomas, Jun Mones, Gener Benter, Julius Sebastian, Rowena Sebastian, Cleofe Macatuggal, Pabs Paner / ALFIDASCA – Tyrone Aboyon, Ric Taboaon, Raffy Alberto, Lito Aloriado / Cabalen – Ed Nicdao / Filcom-Jubail - Ador Tanedo, Jerry Lulo / Beta Sigma – Rey Liclican / Bulakenyo – Rey Alejandro, Marc Neira / PSME – Lamberto Pablo / IIEE-ERSA – Rommy S. Ebarola / United Bicolanos – George Palencia / SMPII – Policarpio Esguerra, Edgar Cataluna, Rodolfo Guan / GBI – Allan Custodio, Randy Labrador / D’Heroes Group – Rosendo Espiritu, Emma Espiritu, Atus Leandigho / GRII – Eduardo Saballa, Jether Bacsoria, Rizal Ronquillo / SAHI – Jun Estruche, Florante Catanus, Buddy Alpuerto / Samahang Ilokano – Charlie Rapanut, Robert Espinosa / Hawak-Kamay – Ismael Sulit / Sangkay – Marc Quimunalem / FAHAP – Jessie Navalta / FOWA – Ben Macatungga / CIASI – Felix Cariaga / PPO-SA & IECEP-KSA – Anthony Laid, John Durado / SFFD – Ramil Tolentino, Rene Delfin / Pag-asa Community Support Group – Randy Castro / Desert Fox Shooters – Jerome Pagunsan / ARCC – Rene Casiano.

PISD Matagumpay na Nagsagawa ng International Clean-up Day

Max Bringula (Abante ME Edition, 05 November 2010)

Muling nagsama-sama ang mga scuba diving enthusiasts sa Eastern Province, Saudi Arabia noong Biyernes, 29 October 2010 sa isang malawakang “Beach & Underwater Clean-up” na ginanap sa Half Moon Beach, Dhahran.

Ang Half Moon Beach ay popular na pasyalan ng mga Pinoy at Saudi nationals upang mag-outing at maligo di lamang during holidays kungdi maging sa ordinaryong araw. Dahil dito, di iilang basura ang naiipon sa kapaligiran at ilalim ng karagatan.

Kaya naman, inilunsad ng PISD (Pinoy International Scuba Divers). isang samahan ng mga scuba divers sa Eastern Province, Saudi Arabia, ang proyektong ito na Beach Clean-up na isinasagawa taun-taon kaalinsabay ng pagdiriwang ng International Clean-up Day sa buong mundo.

Ito’y ayon din sa layunin ng “Project AWARE” ng PADI (Professional Association of Diving Instructors) kung saan kabahagi ang PISD na mapangalagaan ang karagatan sa pamamagitan ng pagsugpo at pag-alis ng mga elementong makakasira rito at makapagpaparumi tulad ng mga basurang itinatapon at naiipon sa paligid at ilalim ng dagat.

Dumating sa nasabing okasyon ang iba’t ibang personalidad na sumusuporta sa proyekto bukod pa sa opisyales at miyembro ng PISD. Naroroon din ang media personnel ng ABS-CBN The Filipino Channel (TFC), GMA-7, at iba’t ibang pahayagan tulad ng Abante Middle East Edition upang i-cover ang buong kaganapan.

Nagsimula ang activity sa paglalahad kung papaano naitatag ang PISD noong 2005 sa pamamagitan ni Mr. Raul Ausemestre kasama ang ibang scuba divers, at ang mga naging programa at proyekto nito bukod sa beach clean-up, tulad ng scuba diving course kung saan mismong si Mr. Ausemestre ang Instructor.

Ito’y sinundan ng pagpapaliwanag sa Project AWARE Cause na ibinahagi naman ni Mr. Conrad Jaberina kasama ang mga sponsors representatives. Ang Project AWARE ay isang programang sinimulan ng grupo ng PADI (Professional Association of Diving Instructors) noong 1989 sa hangaring mapag-ingatan ang “underwater world” o karagatan. Kinalaunan ang Project AWARE ay naging isang non-profit organization noong taong 1992 at ngayon ay may opisina na sa iba’t ibang bahagi ng mundo. Ilan sa mga proyekto nito ay ang mga sumusunod:

• Underwater cleanups and Marine Debris Prevention
• Coral Reef Conservation, Monitoring and Data Collection
• Shark Education, Reporting and Conservation
• Improved Management Policies and Marine Protection Efforts
• Environmental Training for Divers and Education Program for Kids

Samantala, bago sinimulan ang aktuwal na Beach Clean-up, nagkaroon muna ng briefing sa mga divers at volunteers (non-divers) na magsasa-gawa ng paglilinis. Apat-napung divers ang lumusong sa karagatan. Tumagal din ng isang oras mahigit ang beach clean-up na isinagawa sa ilalim ng karagatan at sa baybayin nito. Dalawampung malalaking plastic bags ng basura ang nakuha sa ilalim ng karagatan bukod pa rito yung mga basurang nakuha sa paligid.

Matagumpay ngang maituturing ang katatapos na “Beach & Underwater Clean-up”. Marami ang natuwa at humanga sa proyektong ito ng PISD pagkat sadyang napakahalaga ang ganitong paglilinis upang mapangalagaan ang kalikasang nilikha ng Diyos para sa sangkatauhan. Kung kaya’t hindi nagdalawang-isip ang mga Sponsors na suportahan ang inisyatibong ito.

Pasasalamat naman ang ipinapaabot ng PISD sa kanilang mga Sponsors tulad ng: Rawabi Holding, Fugro-Suhaimi, Hempel Paints, Kentz Engineers & Constructors, Alstom Saudi Arabia Ltd., National Commercial Bank, Phuket Restaurant, Saudi Ready Mix, Western Union Money Transfer, Popeyes, Pepsi Al-Gosaibi, Al Wakeel Aluminum Co., Seven Eleven Restaurant, Sherbiny Chemicals & Environmental Solutions, Jubail Zenith Tech and Industrial Services Co. Ltd., Mr. Bashir Suwailem, Mr. Joey Razal – EE/Al-Rushaid Group, Mr. Ed Mendoza of Philippine Bowlers Alkhobar, at Mr. Hipolito “Boy” Naldoza of Gulf Union Insurance Company

Ang PISD ay pinamumunuan ng mga sumusunod na opisyales: Raul Ausemestre – IDCS (Group Director) / Felimon B. Lanaza, Jr. – DM (President) / Jomari Caranay – RD (Secretary) / Dennis Abutin – DM (Internal VP) / Allen Rosales – RD (External VP) / Garry Hije – RD (Treasurer) / Alvin Rosales – DM (Safety Officer) / Manuelito Pineda – RD (PRO) / Christopher Dayrit – AOW (Auditor).

Sa ngayon ay may tatlumput-pitong (37) kalalakihan at apat (4) na kababaihang certified members ang PISD. Ito’s sina Allan Abulencia, Dennis Abutin, Allan Adduk, Raul Ausemestre, Manuel Banaag, Elmer Baril, Joel Bicoy, Jomari Caranay, Christopher Dayrit, Vergilio de Vera, Dennis Dilao, Rolando Fontanilla, Gilbert Getez, Garry Hije, Conrado Jaberina, Oliver Jovellano, Felimon B. Lanaza, Jr., Jayjay Lapena, Rainnier Lauguico, Rhuniel Legaspi, Peter Mabbun, Rodney Kevin Mellado, John Lester Modina, Frederic Ocampo, Michael Pangco, Romulo Pantig, Joey Razal, Allen Rosales, Alvin Rosales, Jason Sikat, Wilfred Jaberina, Francis Franco, Wayne Cruz, Bernard Benitez, Victor Metran, Manuelito Pineda at Michael Angelo, Medylene Ocampo, Maesyl Abonilla, Lee Ann Lozano, at Grace Rondina.

Laging May Pag-asa

Max Bringula (Abante ME Edition, 01 Nov 2010)

Ito ang tema ng pagdiriwang ng ika-labing-isang taong anibersaryo ng Pag-asa Community Support Group, Eastern Province, Saudi Arabia na ginanap kamakailan lamang. Kasabay ng pagdiriwang ay ang Induction o pagtatalaga sa mga bagong opisyales nito para sa taong 2010-2012 na kinabibilangan nina:

Tim Mallari (JCILSA) – VP for External & Community Affairs / Robert Yumang (S&L) – VP for Migrants Cases & Support / Roberto Punzalan (JLW) – VP for Reintegration / Victor Sampayan (JCPP) – VP for Information and Advocacy / Dennis Oliver (JIL) – VP for Ways & Means / Ramil Gatbunton (JILGM) – Head of Secretariat / Mike Abrera (JIL) – Treasurer / Jun Ramos (JUSL) – Auditor / Jay Gaborno (JTLG) and George Conejos (CCWIM) – Members of Secretariat, at ng mga sumusunod na Coordinators: Alex Ventura (DBD-EP), Randy Castro (DBD-EP), Arthur Valeros (CLSF-Emmanuel), Mario Cajuguiran (LORIMI), Fher Bautista (UR), Junald B. Pellazar (UR), Luis Macaraeg (JCLORIM), Rudyard Layman (CCWIM), Lito Migabon (OIC), Conrad Perez (JTLG), Jayson Monreal (JTLG), Amormeo Portado (3-in-1), Tony Gloria (RLMC), Edmar Bantay (IMRCF), Rod Purugannan (GMC) at Villy Lagasca (OCF).

Ang Chairmanship ng Pag-asa ay ipinagkatiwala pa rin kay Max Bringula na ngayo’y nasa pang-anim na taon na sa nasabing katungkulan.

Si Honorable David Des T. Dicang, Labor Attache ng POLO-Eastern Region Operation, Philippine Embassy, Riyadh ang siyang naging keynote speaker sa nasabing okasyon at siya ring Inducting Officer. Kasama niya na dumalo si Welfare Officer Ron Bartolome ng OWWA.

Ang pagdiriwang ay sinimulan sa pag-awit ng Philippine National Anthem na pinangunahan ni Roger Almonte ng JIL-WAM at sinundan ng Invocation. Ang Welcome Address ay inihatid ni Tim Mallari, VP for External & Community Affairs, at pagkatapos nito’y isang pagtanaw sa nakalipas na labing-isang taon ng Pag-asa ang nasaksihan sa pamamagitan ng inihandang multi-media presentation na “Pag-asa, Through the Years” na isinalaysay naman ni Dennis Oliver, VP for Ways & Means.

Ang pagpapakilala sa panauhing pandangal at tagapagsalita ay pinangunahan naman ni Victor Sampayan, VP for Information and Advocacy.

Sa speech ni Hon. Des Dicang, kanyang pinasalamatan ang Pag-asa sa malaking tulong na naiaambag nito sa pag-abot sa mga kapus-palad na mga kababayan o distressed OFWs na karamihan ay takas sa employer (lalaki man o kababaihan) sanhi ng pagmamaltrato at kalupitang sinapit. Kanya ring idinagdag na ang Pag-asa ay isa sa mga community group sa Eastern Province na pinagkakatiwalaan ng Embahada dahil sa tapat at maayos nitong pagtulong. Ang Pag-asa ay kabalikat rin ng POLO-ERO sa pag-resolba sa maraming kaso ng distressed OFWs.

Sa Statistics and Report na ibinahagi ni Robert Yumang, VP for Migrant Cases & Support, ipinahayag ng Pag-asa ang kanilang mga natulungan mula ng taong 2006 hanggang sa kasalukuyan tulad ng pagkakaloob ng libreng air tickets, pagbibigay ng tulong-pinansiyal, pag-assist sa mga may labor cases, at higit sa lahat, ang pagbibigay ng counseling at spiritual advices na siyang pinaka-prayoridad ng Pag-asa sa kanilang pagtulong. Naniniwala ang grupo na ang ugat ng karamihan sa mga problemang nararanasan ng mga OFWs ay may bahaging espirituwal. Anila, nararapat na magkaroon ng pusong malinis, pagtanggap ng pagkakamali at paghingi ng kapatawaran, ang kumilala sa kapangyarihan ng Lumikha at ang sumunod sa Kanyang kalooban ay pawang mga sangkap upang magtagumpay sa mga pagsubok at hirap ng buhay.

Samantala, isang Plaque of Appreciation ang ipinagkaloob ng pamunuan ng Pag-asa kay Labor Attache David Des T. Dicang sa pagpapaunlak nito bilang Keynote Speaker at Inducting Officer, at sa pag-suporta sa mga programa ng Pag-asa. Ayon sa kay Max Bringula, Chairman ng Pag-asa, “Long overdue na ito. Matagal na naming binabalak na bigyan ng appreciation si LabAtt Des subalit laging nauunsiyami. But this time, we’ll really see to it na di namin ito ma-miss. LabAtt Des has been a big help for us. Napaka-supportive niya sa mga cases na aming inilalapit. Among the Labor Attaches na nakasama na namin, naiiba si LabAtt. We’re blessed na mayroon tayong isang masipag na Labor Attache sa Eastern Province.”

Sa kanyang Closing Remarks, binigyan-diin ni Mr. Bringula ang tema ng selebrasyon, ang “Laging May Pag-asa”. Wika niya “ang grupo ng Pag-asa ay laging naririto upang umabot sa mga kapus-palad nating mga kababayan, at maging kabalikat ng pamahalaan sa pagtataguyod ng karapatan ng bawat OFWs.” Dagdag pa niya, “habang ang tao’y nabubuhay ay may pag-asa, pagkat ang tunay na Pag-asa ay sa Panginoon lamang.”

Ang Pag-asa na sa Ingles ay “hope” ay isang Filipino community group sa Eastern Province, Saudi Arabia na binubuo ng mga mananampalatayang Kristiyano. Ang layunin ng grupo ay ang matulungan ang mga distressed workers na mailapit sa Embahada ng Pilipinas o sa POLO-Eastern Region Operations ang kanilang mga kaso at pangangailangan at tiyaking ito’y maa-aksiyunan at mabibigyan ng agarang tugon at lunas.

Paalala sa Paggamit ng Facebook

by Max Bringula (Abante ME Edition, 30 Oct 2010)

Ikaw ba’y may FB account na (short form ng Facebook), o suki ka na ba ng mga networking programs tulad ng Facebook, Twitter, Friendster o Multiply? Ang tawag dito’y social networking o ang pakikipag-ugnayan sa mga kaibigan at kakilala via cyberspace o gamit ang internet.

Ito ngayon ang pinagkakaabalahan ng marami, ng mga FB adiks kung ituring. Na pagka-gising na pagka-gising pa lamang sa umaga ay FB na. At bago matulog sa gabi, hindi pwedeng di muna mag-e-FB. Yung iba nga’y nagmu-multi-tasking. Isanasabay ang FB sa trabaho, sa opisina man o sa gawaing-bahay.

Maraming nawiwili rito, lalo na sa Facebook na siyang pinaka-popular na social networking sa buong mundo ngayon, di lamang sa mga kabataan o young ones, kungdi maging sa mga “young once” upon a time. Kunsabagay, wala naman kasing age limit ito, pwera na lang yung mga talagang bulilit pa. Kahit sino, pwedeng magkaroon ng Facebook accounts (o anu mang networking accounts) – babae man o lalaki, bata o matanda, ordinaryong indibiduwal o isang propesyonal, nag-oopisina o nasa bahay lamang. Kahit saan mang lugar, ano mang oras o ano mang panahon at sitwasyon basta may internet connection, pwede mag-FB. And that is the wonder of networking. It crosses boundaries of space and time.

Ang Facebook ay brainchild ni Mark Zuckerberg, isang 19 years old na estudyante ng Harvard University sa Amerika. Taong 2003 nang magka-ideya siyang buuin ang Facebook. Makalipas ang pitong taon, isa na itong household name. Siya’y bukambibig ninuman at masasabing hindi ka “in” kapag wala kang Facebook account. Sa ngayon, si Zuckerberg ay kasama sa top ten billionaires sa Amerika.

Kunsabagay, malaking tulong kung tutuusin ang pagkakaroon ng Facebook account lalo na sa mga OFWs o yaong nasa malalayong lugar. Sa pamamagitan ng FB hindi napuputol ang komunikasyon sa pamilya, kaibigan at mga mahal sa buhay. At dahil may chat features din ito, lalo siyang nagiging kawili-wili sa marami. Bagamat walang pang webcam facility ito, maaaring darating ang araw na magkakaroon na rin.

Ang FB ay nagiging daan din upang muling makita ang mga dating kaibigan, klasmeyt, ka-trabaho, at mga mahal sa buhay na nawalay. Nagiging instrumento rin siya para makakilala ng bagong kaibigan, o maging ng makakasama sa buhay.

Subalit kung gaano ito kapaki-pakinabang sa marami, maaari rin naman itong makapagdulot ng kapamahakan sa iba kung hindi mag-iingat sa paggamit. Maaari siyang maging daan sa mga may masasamang balakin upang makapanloko o mang-biktima ng kapwa.

Upang di mabiktima, narito ang ilang mga safety reminders na dapat tandaan ng mga gumagamit ng FB. Ito’y aking akda (in English) na nai-share ko sa aking mga FB friends. Nais ko rin siyang ibahagi sa mga mambabasa ng Abante ME Edition.

1) Change the Setting of your Account. There are two ways to do that.

Go to Account and set your Setting either to Friends of Friends or Friends Only. But don’t use “Everyone” unless you wish to, OR

You may use Customize where you can decide yourself which and what can be seen by others in your Account.

2) Hide your Name from Facebook Search Results. This is if you do not want others to find you. How to do that – don’t use your first name or surname, but use aliases. But if you wish that your old friends and acquaintances find you, then using your real name is fine.

3) Don’t Talk to Strangers. Be cautious in adding people if you’re unsure of who they are. Unless you know them, refrain from doing so. Better check their profile first before being tempted to add them up. And never chat to people you don’t know. Remember, “don’t talk to strangers”.

4) Limit Your Personal Information. Provide your personal information only to friends and those you know. This will protect users from stalkers and others with evil intent. Do not provide even the year and place you were born as this could be a gateway for the thieves to predict the numbers and passwords you might be using. Well, most of the guys I knew didn’t really put the year of their birth, intentionally. It sure helps – not just in hiding their age, but in keeping the thieves away.

5) Do Not Post Your Mobile Numbers in Facebook. This is a big No, No. Even your landline numbers and home address. Lest you’re inviting everyone to your place for a feast.

6) Be Discreet. Photo Albums should be set to Private as much as possible. Avoid photos that would positively identify the place where you are, especially of religious gatherings in a country or land where such is not permitted.

7) Sign Out. This is a must. Never leave your account open even if you’re using your own laptop or netbook (or desktop). Before shutting down, make sure that you log out.

TSD Readers’ Corner:

(Para sa mga masusugid nating mambabasa ng TSD o Tinig sa Disyerto, tayo’y maglalaan ng espasyo sa column na ito para sa inyong mga katanungan o kahilingan, at sisikapin ng inyong lingkod na matugunan ito sa abot ng ating kaalaman.)

Correction sa Nailathala sa “Sleeping Giant” Awakens

Nais po naming itama ang nabanggit sa bahagi ng nakasaad sa “Sleeping Giant” Awakens / AFCSCOM Held Induction (published on 26 Oct 2010) kung saan binabanggit ang anim na bagong miyembro ng AFCSCOM. Sa halip na UPSA o Ulupan na Pangasinan ed Saudi Arabia, ito’y dapat UFSA o United Filipino Sports Association. Our apology – Max.

Handog Pasasalamat Para kay Ambassador Villamor

Max Bringula (Abante ME Edition, 27 October 2010)

Isang natatanging bahagi ng katatapos na Induction ng AFCSCOM ay ang pagbibigay-pugay at pasasalamat sa butihing Ambassador ng Pilipinas sa Saudi Arabia, His Excellency Antonio P. Villamor kung saan ang tour of duty bilang Ambassador ay nagtapos nitong 30 September 2010.

Bawat Filipino community leaders at panauhin na dumalo sa nasabing okasyon kung saan si Ambassador Villamor ang keynote speaker, ay nagbigay ng kani-kanilang pananalita at pasasalamat. Si Ambassador Villamor ay itinuturing na “Ama” at kaibigan ng marami sa mga community leaders at maging ng ordinaryong OFW.

Ilan sa mga community leaders na nagpaabot ng kanilang pasasalamat ay sina Max Bringula, Chairman ng Pag-asa Community Support Group, Mary Jane Tupas, President ng 5th OFW Congress, Dr. Eduardo Malagapo, Principal ng Al Andalus International School, Reynaldo Alejandro ng Bulakenyo Community, Jaypee Vega ng FILPOP, Engr. Ismael Sulit ng Hawak-Kamay, Danilo Rioflorido ng ALFIDASCA, Lamberto Pablo ng Philippine Society of Mechanical Engineers (PSME), Edgardo Saballa ng Guardians Republican Int’l Inc., Sammy Guevarra ng Cebuano Integrated Society & Tribal Allies (CISTA) at marami pang iba.

“He was a very active Ambassador, frequently visiting the various parts of the Eastern Region and attends to the concerns of the leaders and the community here, without too much Protocols. He is very approachable. We would like to thank him for all his support to the projects for the community of the various groups in the Eastern Region. We wish him all the best!” – ito ang pahayag ni Roilo Alojado, Past Overall Chairman ng AFCSCOM.

Samantala, isang handog o token gift ang ipinagkaloob ng Filipino Community ng Jubail para sa Ambassador sa pangunguna ni Ador Tanedo at Robert Olarte.

Hinarana naman nina Jaypee Vega, Jonrey Salva, Grand Finalist ng POP Icon, at ng mag-asawang Florante Catanus ng The Filipino Channel at Analiza Catanus ng Philippine School in Dammam ng mga piling-piling awitin ang butihing Ambassador na ikinatuwa nito.

Maging ang Director General ng Mohammad Dossary Hospital na si Mr. Abdul Fettah Ennayal ay di rin nagpahuli sa pagbibigay parangal sa Ambassador. Isang tula ang kanyang isinulat at ipinarinig sa lahat na hinangaan naman ng lahat ng naroroon. Si Abdul Fettah ay isang Tunisian subalit ang puso nito ay Pinoy na Pinoy. Malaki ang naitutulong ni Abdul Fettah sa mga programa ng Embahada para sa mga OFWs dito sa Eastern Province. Bukas lagi ang palad nito at buong-pusong tumutulong para sa kapakanan ng maraming Manggagawang Pilipino. Bilang pasasalamat din, ating ilalathala ang ilang bahagi ng tulang iniakda ni Abdul Fettah para sa ating Ambassador.

My dear friend, on me, you have dropped a bombshell
So I knew that soon it is going to be a moving farewell.
When hearing the news, I felt sadness and sorrow
And I have even went so far believing that there will be no tomorrow.
So I looked in our happy days for a sweet moment I can borrow,
to dissipate my feeling of sadness and calm my melancholy and sorrow.
Then I remembered, and to myself I said:
Don’t be dismayed at goodbyes
A farewell is necessary before you can meet again.
And meeting again after moments of lifetime is certain
for those who are friends.
It is true that it takes a minute to say “hello”
But forever to say “goodbye”.
However, goodbyes are not forever
Goodbyes are not the end.
They simply mean “I’ll miss you, until we meet again!”.
And last but not the least –
A goodbye isn’t painful unless you never going to say “hello” again.
And the return makes one love the farewell.
And that is why I do love this farewell,
because I am sure that we will meet again.

Samantala, isang plaque of appreciation ang ipinagkaloob ng AFCSCOM sa butihing Ambassador bilang pagkilala ng napakahalagang kontribusyon niya sa komunidad ng mga Pilipino sa Saudi Arabia.

Siya’y pansamantalang hinalinhan ni Mr. Ezzedin H. Tago, Consul General ng Jeddah, bilang Charge d’ Affaires ad Interim o CDA simula sa October 1, 2010.

The “Sleeping Giant” Awakens / AFCSCOM Held Induction

Max Bringula (Abante ME Edition, 26 Oct 2010)

“Sleeping Giant” – kung ituring ang AFCSCOM (All Filipino Community and Sports Commission), ang pinakamalaki at maimpluwensiyang umbrella organization ng iba’t ibang community groups sa Eastern Province, Saudi Arabia, na ngayon ay mayroong mahigit na pitumpung grupo na miyembro mula sa professionals, civic, cultural at sports organizations.

Ang AFCSCOM ay katuwang ng POLO-ERO (Philippine Overseas Labor Office, Eastern Region Operations) ng Philippine Embassy, Riyadh sa mga programa nito sa Eastern Province tulad ng buwanang Embassy On-Wheels (EOW), ang pagdaraos ng taunang Independence Day celebration at sa mga programa nito sa sports, reintegration at labor awareness. Gayundin ng pagsasagawa ng Overseas Absentee Voting and Registration.

1994 ng magsimula ang AFCSCOM na noon ay All Filipino Sports Commission o AFSCOM bilang representative ng Eastern Province sa isinagawang Palarong Pilipino na noo’y proyekto ng Philippine Trade Center na ginanap ng taong iyon sa Bahrain. Pagkatapos ng nasabing paligsahan, lumawig ang tungkulin iniatang sa AFSCOM pagka’t idinagdag rito pati na ang community at civic programs sa Eastern Province. Kung kaya’t ito’y tinawag ng AFCSCOM o All Filipino Community and Sports Commission.

At bilang isang iginagalang na grupo, ang AFCSCOM ay nagsisikap na mapa-inam pa ang serbisyong inihahatid nito sa mga OFWs sa pamamagitan ng pagsulong ng kanilang kapakanan at karapatan bilang Manggagawang Pilipino sa ibayong dagat.

Kamakailan lang ay idinaos ang Induction ng bagong Officers and Directors ng AFCSCOM sa taong 2010-2012 kung saan maglilingkod ang mga ito ng dalawang taon kumpara sa dating isang taon. Ito’y bunga ng mga pagbabagong ginawa sa Constitution and By-Laws.

Ang mga bagong opisyales ay kinabibilangan ng mga sumusunod na community leaders tulad nina:

Orlando C. Flores ng Desert Tiger Taekwondo (President/Chairman of the Board), Max Bringula ng Pag-asa Community Support Group (VP-Community Affairs), Maria Lourdes D. Silverio ng Saad Specialist Sports Association (VP-Sports Affairs), Jaypee Vega ng Filipino Pop Music Club (VP-Cultural Affairs), Gamaliel Gonzales ng Saudi Arabia Hiligaynon, Inc. o SAHI (Secretary), Antonio Briones ng Rizal Int’l Society in Arabian Land (Asst. Secretary), Abelardo B. Regalado ng United Bicolanos (Treasurer), Lamberto B. Pablo ng All Filipino Dammam-Alkhobar Sports and Cultural Association o ALFIDASCA (Asst. Treasurer), Rico Delos Reyes ng Philippine Institute of Certified Public Accountant o PICPA (Auditor), Greg Sugano ng World Organizer of Martial Arts (Asst. Auditor), Danilo O. Rioflorido ng ALFIDASCA (Business Manager), Mariano Neira ng Filipino Overseas Workers Association o FOWA (Asst. Business Manager), Arnel Majano ng Guardians Reformist Group, Inc. o GRGI (PRO), Frisco Doylabo ng Cebuano Integrated Tribal Alliance (Asst. PRO), at Sammy Guevarra ng Overseas Negrenses (Director).

Ang presentation of 2010-2012 Executive Officers ay pinangunahan ni Engr. Carlito Alpay, past Overall Chairman at Adviser ng AFCSCOM.

Ang Induction ay ginanap sa Arwad Suites, Alkhobar kung saan mismong ang dating Ambassador Antonio P. Villamor ng Philippine Embassy, Riyadh ang siyang nagsagawa ng pagtatalaga at siya ring naging Keynote Speaker.

Ang okasyon ay nagsilbing pagbibigay na rin ng parangal at pagpapaabot ng pasasalamat ng AFCSCOM sa butihing Ambassador sa taong inilagi nito bilang Ambassador ng Pilipinas sa Saudi Arabia. Nagtapos ang tour of duty ni Villamor noong 30 September 2010.

Siya’y pansamantalang hinalinhan ni Mr. Ezzedin H. Tago, Consul General ng Jeddah, bilang Charge d’ Affaires ad Interim o CDA simula sa October 1, 2010.

Isang plaque of appreciation ang ipinagkaloob ng AFCSCOM sa butihing Ambassador, at nagbigay naman ng kanya-kanyang maikling pananalita ng pasasalamat ang Pangulo o Head ng bawat organisasyong naroroon na dumalo. Isang handog naman ang iniabot ng community leaders ng Jubail para sa Ambassador.

Bukod kay Ambassador Villamor, naroroon din sina Labor Attache David Des T. Dicang at Welfare Officer Ron Bartolome, na nagbigay ng kanya-kanyang Mensahe mula sa OWWA at POLO-ERO. Gayundin si Mr. Rogelio Rayala, former Chairman ng National Labor Relations Committee (NLRC), at Mr. Abdul Fettah Ennayal, Director General ng Mohammad Dossary Hospital, bilang mga panauhing pandangal.

Naroroon din ang iba pang mga past Overall Chairman ng AFCSCOM na sina Roilo Alojado at Jojie Apolinario, bukod kina Ransam Pirote, Carlito Alpay at Benjamin Cesora.

Sa naturang Induction, pinangunahan ni Mary Jane Tupas (President, OFW 5th Congress) ang Invocation at agad itong sinundan ng Philippine National Anthem sa pangunguna ni Jaypee Vega (President – FILPOP). Ang Welcome Remarks ay inihatid naman ni Max Bringula (Chairman – Pag-asa Community Support Group). Ang Acknowledgement of Guests at ng bawat community groups na dumalo ay isinagawa naman ni Maria Lourdes Silverio ng Saad Specialist Hospital, at ang Message of Thanks ay ibinigay naman ni Abelardo R. Regalado ng United Bicolanos.

Ang usual Valedictory Speech ay inihatid ng outgoing Overall Chairman ng AFCSCOM na si Engr. Reggie Montana ng SAHI at Ro-Akeanon, at ang Acceptance Speech mula sa incoming President and Chairman of the Board ng AFCSCOM na si Engr. Orlando Flores ng Desert Tiger Taekwando.

Isinalaysay naman ni Engr. Ransam Pirote, Past Overall Chairman at Adviser ng AFCSCOM kung papaano nagsimula ang AFCSCOM sa kanyang “AFCSCOM: Yesterday, Today and Tomorrow”. Kanyang inilahad ang pagkakatatag nito noong 1994, ang mga serbisyong inihahatid nito sa mga OFWs, at ang mga plano at programa sa mga darating na taon. “If we are united, we can deliver”, ito ang pananalitang binitawan ni Engr. Pirote sa mga lideratong naroroon.

Ipinakilala rin ng gabing iyon ang anim na bagong miyembro ng AFCSCOM. Ito ay ang United Filipino Sports Association(UFSA), Guardians Republican Int’l Inc. (GRII), Filipino Overseas Workers Association (FOWA), Guardians Reformist Group, Inc. (GRGI), Sanggunian ng Masang Pilipino Int’l Inc. (SMPII), at ng Philippine Combat Akido Players Association (PHICAPA). Bilang pagkilala, ipinagkaloob sa anim na organisasyon ang Certificate of Membership na iniabot sa kanila ni Engr. Benjamin Cesora, Chairman of Membership ng AFCSCOM, katuwang ang outgoing Overall Chairman, Reggie Montana.

Upang bigyan ng sigla ang okasyon, nagkaroon din ng mga Intermission Numbers na inihatid nina Jonrey Salva, Grand Finalist ng POP Icon, Jaypee Vega ng FILPOP, at ng mag-asawang Florante Catanus ng TFC o The Filipino Channel at Analiza Catanus ng PSD o Philippine School in Dammam. Sila rin ang naging Master of Ceremonies sa nasabing okasyon.

Isang masaya at makabuluhang gabi muli ang nasaksihan sa katatapos na Induction. Para sa mga bagong opisyales ng AFCSCOM, isang mapanghamong mensahe ang iniwan ni Ambassador Villamor. “Continue to build on what has been accomplished by your predecessor. Dream together so that your dream would become a reality.”

At tulad din ng isinaad sa Welcome Remarks ni Mr. Bringula, “this mark the day of new beginning and of brightest hope for those selected to serve in the years to come.”

The “sleeping giant” had awakened. Simula ng muli ng pagkilos tungo sa ikauunlad at ikatataguyod ng bawat Manggagawang Pilipino.

Orangers Tinanghal na Kampeon sa CEBL 2010 / Pacelo Hinirang na MVP

Max Bringula (Tinig sa Disyerto - Abante ME Edition, 15 Oct 2010)

Matagumpay na nagtapos ang CEBL (CLSF-Emmanuel Basketball League) 2010 nung Sabado, 09 October 2010, sa pamamagitan ng makulay na awarding ceremony na ginanap sa Al Gosaibi Hotel Sports Complex, Alkhobar.

Tinanghal na kampeon ang koponan ng Orangers at pumangalawa ang Yellow Markers, pangatlo ang White Kings at ika-apat naman ang Blue Eagles.

Sa score na 66-62, tuluyang naitala ng Orangers ang pagiging kampeon sa CEBL 2010 sa kapana-panabik na championship games na ginanap noong Sabado, 02 October 2010 sa katunggali nitong Yellow Markers. Gitgitan ang naging laban ng dalawang koponan kung saan hindi lumayo ang score ng magkabilang panig at nag-all 18 sa huling 4 minutes ng 2nd Quarter. Subalit sa huling minutong natitira ay umarangkada ng husto ang Yellow Markers kaya’t lumobo ang score nito sa 32 points laban sa kalaban na 22 points nang matapos ang 2nd Quarter.

Gayunpaman, hindi nagpatinag ang Orangers. Sa pamamagitan ng sunod-sunod na puntos na ginawa ni Marlon Pacelo (Jersey No. 26), na may pinakamaraming puntos na ginawa, nakopo na ng tuluyan ng Orangers ang kampeonado laban sa Yellow Markers. Nagtala si Pacelo ng record-breaking na 45 points out of the 66 points ng Orangers at siyang dahilan upang hirangin siya bilang MVP (Most Valuable Player) ng CEBL 2010.

Napiling Mythical Five sina Marlon Pacelo (Center) ng Orangers, Bernie Aranda (Power Forward) ng White Kings, Pedro Crodua (Small Forward) ng White Kings, Julius Mendoza (Off Guard) ng Eagles, at Jerry Camilla (Point Guard) ng Yellow Markers.

Second Mythical Five naman sina Jonathaniel Reyes (Center) ng P.I.R.A.T.E.S., Benjie Tingson (Power Forward) ng Blue Markers, Arjay Galang (Small Forward) ng Yellow Markers, Frene Navarro (Off Guard) ng Orangers, at Roger Estrellado (Point Guard) ng Royals.

Samantala, binigyan ng Sportsmanship Award si Arthur Valeros ng White Kings na kilala rin bilang Daddy ni EJ at JE.

Nagpapasalamat ang pamunuan at organizers ng CEBL sa lahat ng mga koponang lumahok tulad ng Orangers, Yellow Markers, Purple Royals, White Kings, Blue Eagles at P.I.R.A.T.E.S. Gayundin sa mga sumusunod na manlalaro:

ORANGERS – Goeff Dayoc (JN1), Geoff Pahayhay (JN6), Gerry Valencia (JN8), Jeoff Balmores (JN17), Noel Baitlon (JN22), Nelson Lulu (JN11), Edwin Macquiling (JN13), Dean Mark Hernandez (JN14), Leal Permalino (JN20), Frene Navarro (JN10), Pol Lulu (JN23), Chris Cruz (JN24), Rommel Dasig (JN25), Marlon Pacelo (JN26) at Ricky Libiran (JN32).

YELLOW MARKERS – Francis Franco (JN1), Mhel Galope (JN7), Joey Razal (JN10), Francis Gillana (JN11), Arvin Quijano (JN12), Lito Nartea (JN13), Arjay Galang (JN15), Chris Icasiano (JN16), Cedric Tibay (JN17), Khem Luarez (JN19), Nap Mariano (JN22), Jerry Camila (JN24), Jolly Sudaria (JN26), at Elmer Sto. Tomas (JN33)

WHITE KINGS – Albert Cabansag (JN1), Arnold Limpiado (JN3), Jessie Andal (JN5), Arnel Rodriguez (JN16), Arthur Valeros (JN7), Renie Magalong (JN8), Shaun Fajardo (JN9), Roy Masung (JN27), Joel Mabandos (JN11), Dong Macalino (JN14), Fermin Garcillar (JN15), Bernie Aranda (JN24), Lloyd Alagasi (JN25), Joseph Zabala (JN38) at Pedro Crodua (JN12).

BLUE EAGLES – Dono Mendoza (JN1), Nino Policarpio (JN4), Debb Balucan (JN5), Ron Gregorio (JN6), Mark Macale (JN7), JR Aguirre (JN8), Julius Mendoza (JN10), Gabriel San (JN11), Bong Asucena (JN12), Joey Cinense (JN13), Joseph Tenorio (JN14), Francisco Cudal (JN15), Ferdie Lantaca (JN20), Gary Delos Santos (JN22), at Omar Sabile (JN66).

Sports Fest 2010 – PPO’s in Action

Ang mga Pangulo ng anim na organisasyon ng PPO-SA, (mula sa kaliwa) Engr. Anthony M. Laid ng IECEP, Arch. Liyo Cefre ng UAP, Ms. Necie de Asis ng PICPA, Engr. Lamberto Pablo ng PSME, Engr. Romy Ebarola ng IIEE, at Jesus Mandi ng PICE. Ang Ceremonial Toss na pinangunahan ni Labor Attache David Des T. Dicang ng POLO-ERO.

Tinig sa Disyerto, ni Max Bringula (Abante ME Edition, 01 October 2010)
Sa isang commercial AD ng kilalang produkto sa Pilipinas, maaalala natin ang tagline na ito - “di lang pampamilya, pang-sports pa”.

Ganito maituturing ang kasalukuyang nagaganap na Sports Fest 2010 na in-organisa at nilahukan ng anim na miyembrong organisasyon ng Philippine Professional Organization ng Saudi Arabia (PPO-SA) - ang UAP-KSA-EPC (United Architect of the Philippines) / PICPA-KSA-EP (Philippine Institute of Certified Public Accountants) / PICE-EPSA (Philippine Institute of Civil Engineers) / PSME-SA (Philippine Society of Mechanical Engineers) / IIEE-ERCSA (Institute of Integrated Electrical Engineers of the Philippines, Inc.) / at IECEP-KSA-ERC (Institute of Electronics Communication Engineers of the Philippines).

Hindi lang gawaing pang-propesyonal ang binibigyang-pansin ng Philippine Professional Organization - Saudi Arabia (PPO-SA) kungdi ang sports din. Sa Sports Fest na opisyal na sinimulan noong nakaraang 17 September 2010, magtatagisan ng lakas at abiilidad ang mga professionals ng anim na organisasyong nabanggit sa mga larong tulad ng Dart, Table Tennis, Basketball, Bowling, Lawn Tennis, Billiards, Volleyball at Chess.

Ang Opening Ceremony ay ginanap noong ding 17 September sa IPSA (International Philippine School in Alkhobar) kung saan mismong si Labor Attache David Des T. Dicang ng POLO-Eastern Region Operations ang naging panauhing pandangal at nagsagawa ng ceremonial toss. Sinimulan ang seremonya sa isang makulay na parada ng anim na professional organizations kasama ng kanilang manlalaro at muse. Sinundan ito ng Pambansang Awit na pinangunahan ni Engr. Romulo Ebarola (PPO-SA Secretary) ng IIEE-ERCSA, at pagkapos ay ang Invocation ni Engr. Lamberto M. Pablo (PPO-SA Auditor) ng PSME-SA. Ang Welcome Address naman ay dinala ni Arch. Liyo C. Cefre (PPO-SA Sports Committee Chairman) ng UAP-KSA-EPC.

Pagkatapos ng Inspirational Message ni LabAtt Des Dicang, pinangunahan naman ni Engr. Jesus C. Mandi (PPO-SA Treasurer) ng PICE-EPSA ang Oath of Sportsmanship sa mga manlalaro, at bago isagawa ang ceremonial toss ay nagbigay muna ng kanyang Closing Remarks si Ms. Necie A. de Asis (PPO-SA SPLBE 2010 Chairperson) ng PICPA-KSA-EP.

Ang Master of Ceremonies ng araw na iyon ay sina Arch. Geraldin G. Suede, UAP-KSA-EPC Secretary General at Mr. Carlo Gregorio, PICPA officer.

Tatlong Biyernes ang inilaan sa pagsasagawa ng nasabing Sports Fest para sa mga sumusunod na palaro:

September 17 – Dart, Table Tennis at Basketball (venue: IPSA)
September 24 – Bowling, Lawn Tennis at Billiards (venue: Al Gosaibi)
October 01 – Volleyball and Chess (venue: IPSA)

Ang Sport Fest 2010 ay may temang “Bringing Out the Best in Each Other”. Layunin ng palarong ito na maipakita ang galing ng kanilang mga miyembro di lamang sa isipan kungdi maging sa bisig at lakas, at sa pamamagitan nito lalo pang mabuklod ang samahan ng PPO sa Eastern Province, Saudi Arabia sa malalim at makabuluhang professional relationships. Ito ay brainchild ng PPO-SA Chairman ng Sports na si Arch. Liyo C. Cefre na sinang-ayunan naman ng kanilang PPO-SA President na si Engr. Anthony M. Laid ng IECEP-KSA-ERC.

Nais pasalamatan ng PPO-SA ang mga sumusunod na personalidad at organisasyon sa kanilang patuloy na pag-suporta sa mga programa ng PPO-SA, tulad nina Engr. Zoilo Caringal, Past PPO Chairman ng PICE, Engr. Romeo Elmer S. Reyes ng PICE, Engr. Gabalmel D. Ignacio ng PSME, Ms. Mary Jane Tupas, OFW 5th Congress President, Mr. Flor Catanus ng TFC (The Filipino Channel), Mr. Max Bringula, AFCSCOM Deputy Chairman on Community Affairs at Abante ME Edition columnist, Engr. Carlito Alpay ng PSME, ang Mohammad Dossary Hospital, ang IPSA at ang POLO-Eastern Region Operations.

Sa mga nagnanais magtanong o may isasangguni sa grupo ng PPO-SA, maaari kayong sumulat sa kanilang eMail address na ppo_sa@yahoo.com.